Malbenda Kerkûkê ya YNKê daxwaza rawestandina dagirkirina zevî û mulkên Kurd dike

  2020-08-02 21:48      107 Car hatiye dîtin        Şîrove
Bangawaziyek ji Malbenda Kerkûkê ya YNKê liser hewlên bi erebkirina navçeyên kurdistanî

Teksta bangawaziyê;
Mixabin di demekê de hevniştimaniyên Kerkûk û Daquq û Duzxurmatû serqalê biserbirina Cejna Qurbanê ne, di vê demê de û bi awayê derdesturê û derzagonê beşek ji “erebên hawirdekirî” ku paş Proseya Azadiya İraqê, Kerkûk û derdorê bicîh hiştine û berê di çarçoveya siyaseta bi erebkirinê de ji bo Kerkûkê û derdorê hatibûn anîn, îro, carekî din û bi armanca bi erebkirina navçeyên Hevtexar, Mehawiş û Kulîtepe yên ser bi navçeya Daquqê, bi hêzekî zêde hatine deverê û dixwazin cardin li ser zevî û erdên kurdên resen yên şêniyên vê bajrokê, bên niştecîkirin!
Di vê çarçoveyê de daxwaz ji Serokkomar, Serokwezîr û Wezîrê Navxwe yên İraqa Federal, Neteweyên Yekgirtî (NY) û aliyên peywendîdar dikin ku bilez rê li vê destdirêjî û dagirkeriyê bigrin û rê nedin aştiya civakî bê şewandin û peywendiya dîrokî ya nêvbera pêkhateyên resen yên Kerkûkê bê têkdan. 
Em wek Yekîtiya Niştimaniya Kurdistanê (YNK), vê reftara dagirkeriyê red dikin û bi despekeke metirsîdar jî dizanin ji bo jihev qutbûna pêkhateyan bi taybetî jî navbera Kurd û Ereb. Bi vê rûgehê, em daxwaz ji hêzên ewlehiyê dikin bilez tedbîrên destûrî bigrinber û rê li vê dagirkeriyê bigrin û nebin alîgir!
Di çarçoveyê vê nerîngehê de em hemû aliyekî agahdar dikin ku bi çi awayekî em rê nadin dest ji bo zevî û erdên Kurd û her pêkhateyekî din jî bê dirêjkirin û ji bo vê armancê jî emê hemû rêkarên pêwîst bigrin ber û em amadene bi rêyên xebata demokratîk û siyasî tevbigerin. Her evroj, Berpirsê Malbenda Kerkûkê û parlementer liser xetê bûn û ji bo heman armancê peywendî bi Serokkomar, Wezîrê Navxwe, Wezîrê Dad, Fermandarê Operasyonan û Parêzgarê Kerkûkê yê bi wekalet û aliyên din re kirin e; li ser vê bûyerê wana jî soz dane ku ligor destûr û zagonê vê pirsê çareser bikin û her tedbîrek pêwîst bû bigrin ber ji bo dawî li vê pirsgrêkê bînin. 
                                                                                                      Malbenda Du ya Rêxistina Kerkûkê ya 
                                                                                                      Yekîtiya Niştimaniya Kurdistanê (YNK)
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî