YNKê ji bo parastin û pêkanîna doza rewa ya Êzdiyan û armanca hemû civaka Kurdistanê xebatê dike

  2020-08-03 22:18      110 Car hatiye dîtin        Şîrove
YNK: Divê hikûmet dîtina xuşk û birayên me yên êzdî yên bêserûşûnkirî bike karê xwe yê sereke

Serokatiya Yekîtiya Niştimaniya Kurdistanê (YNK) bi helkefta şeşemîn salroja Jenosîda Şengalê peyamek weşand û têda tekezî li ser dîtina xuşk û brayên êzdî yên bêserûşûn bûne û vejandina Şengalê û berdewamiya hevkariya YNKê kir. 
Teksta peyama Serokatiya YNKê:
Di şeşemîn salroja karesata Şengal û Jenosîda Êzdiyan de em bi xemekî kûr, bîranîna şehîdan û qurbaniyên wê tawanê ku dijî gelê me hatiye kirin, granbuha dizanin; berxwedêrî û moral û bawerî û siberojeke geştir ji bo kesûkarên wan dixwazin û daxwaz ji aliyên peywendîdar, civaka navdewletî, hikûmeta İraq û hikûmeta Kurdistanê dikin ku lezê bikin karesata Şengalê wek jenosîdê bidin nasandin û liber dadgeha bilind de rêxistina terorîstî Dewleta Îslamî û tawanbarên wê û ewên kêmxem û sedem bûn ji bo rûdana vê karesatê, bên cezakirin.
Ligel mezinbûna vê karesatê û paş derbasbûna şeş salan bi ser roja 03-08-2014ê ve, hêj birîna xuşk û birayên me yên êzdî, baş nebû ye. Bi dehan hezar malbat herifine. Bi hezeran keç û zar û zilamên êzdî bê serûşûnîn û bi dehan hezar pîr û birîndar di kampên penaberiyê de dûr ji xaka xwe, dûr ji xweşdiviyên xwe, rojgarê bi ser dibin. Di rewşekî wiha tal de erkê me hemû aliyekiye, dûr ji sloganbaziyê, sînorekê ji bo vê rewşa xerap ya jiyana êzdiyên paş jenosîdê daynin û piştivan bin li asayîkirina jiyana xelkê li Şengalê û dûr ji hevrikî û berjewendiyê biçûk yê hizbî, êzdiyan û nasnameya gelê xwe û çanda bihevrejiyan û piroliyê biparêzin. 
Em bi pêwîst dizanin, hêzên siyasî yên Kurdistanê milbimil ligel hikûmeta İraqê û civaka navdewletî, beşdar be di proseya vejandina Şengalê û vegerandina şêniyên wê yên resen ji bo warê bav û bapirên xwe. Erkê hikûmet û aliyên din yên peywendîdar e, bi berpirsyaretiyê, dîtina xuşk û birayên êzdî yên hatine bêserûşûnkirin, bike karê xwe yê pêşin. Erkê me hemûyan e jî ku wan rojan, şêhîdên rûbirûbûna DAIŞê jibîr nekin. Em dilniya ne, hêzên Pêşmerge û yekgirtiyiya xelkê Kurdistanê rê nade pîlanêndin yên DAIŞê ji bo qirkirin û dagirkariyê bi serê Kurdistanê de bine, serkeve.
Em wek Serokatiya Yekîtiya Niştimaniya Kurdistanê (YNK) di demekê de ku mazlûmî û qurbanîdana êzdiyan di astê herî bilind de granbuha dinirxînin, soza hevkarî û piştevaniya temam ji bo wan dubare dikin û em radigihînin; xebata me ji bo parastin û pêkanîna doza rewa ya wan û armanca hemû civaka Kurdistanê ye. 
Slav li giyanê şehîdên Şengalê û hemû şehîdên Kurdistanê re
                                                                                                                                   Serokatiya 
                                                                                                              Yekîtiya Niştimaniya Kurdistanê (YNK)
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî