Encûmena Dadwerî a Herêma Kurdistanê, îro (30-10-2018) encamên hilbijartina Parlamentoya Kurdistanê, pesend kir.  
Roja 30 Îlon 2018ê hilbijartina gera pêncem a Parlamentoya Kurdistanê birêve çû. Şeva 20 Cotmeh 2018ê, Komîsyona Bilind a Serbikxwe ya Hilbijartin û Rapirsiyê ya Herêma Kurdistanê encamên dawî yên hibijartinê ragihand. 
Li gor encamên fermî; Partiya Demokrat a Kurdistanê (PDK) 45 kursî, Yekîtiya Nîştimanî ya Kurdistanê (YNK) 21 kursî, Tevgera Goranê 12 kursî, Nifşa Nû 8 kursî, Komela Îslamî 7 kursî, Hevpeymaniya Îslahê 5 kursî, Hevpeymaniya Serdem 1 kursî û Lîsteya Azad jî 1 kursî bi dest xistibûn.
11 kursî jî ji bo pêkhateyên Herêma Kuridstanê hatine diyarkirin.
Tê çaverêkirin, xula çarem ya Parlementoya Kurdistanê, sibê (31-10-2018), dawîn civîna xwe lidar bixe.
Xula pêncem ya Parlementoya Kurdistanê jî di nêv 10 rojan da yekemîn civina xwe saz bike. 
Puknow - mms