Parêzgarê Hewlêrê jiber koronayê koça dawî kir

  2020-11-18 13:10      168 Car hatiye dîtin        Şîrove
Parêzgarê Hewlêrê Dr. Firset Sofî li Tirkiyê jiber êşa koronayê canê xwe jidest da

Parêzgarê Hewlêrê Dr. Firset Sofî, paş nêzîkî heyvekê ji pêketina bi êşa koronayê, vê sibehê (18-11-2020)  jiber vîrusa koronayê canê xwe jidest da.
Dr. Firset Sofî, sêyê vê heyvê ji bo tedaviyê ji bo derveyî welêt hatibû veguhestin.
Serokê Encumena Parêzgeha Hewlêrê Elî Reşîd, ragihand; Parêzgarê Hewlêrê, vê sibehê, jiber vîrusa koronayê, li Enqerê, koça dawî kiriye. 
Dr. Firset Sofî 21ê Gulana 1978ê li bajarokê Çomanê hatiye Dinê. Ji heyva Îlona sala bihurî ve Parêzgarê Hewlêrê bû. 
Doktaraya wî di yasaya giştî de heye. Mamostayê Zanîngeha Polîteknîk ya Hewlêrê bû. Paşê endamê xula çarem ya Parlementoya Kurdistanê bû. 
Dr. Firset Sofî endamê desteya şêwirî ya yasayî bû li Serokatiya Herêma Kurdistanê. 
Herwiha, endamê lijneya nivîsandina destûra Herêma Kurdistanê û endamê lijneya bilind ya çaksaziyê bû. 
Tê çaverêkirin, termê Dr. Firset Sofî, sibê ji Tirkiyê bê anîn û paş merasîmeke rêzgirtinê bi xakê bê sipartin.
puknow

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî