Îro (29-11-2020), civîna bala ya nêvbera Yekîtiya Niştimaniya Kurdistanê (YNK) û Tevgera Goran li Dabaşan li Silêmanî hat lidarxistin. 

Mijara sereke ya civînê, gotûbêj bû li ser dawîn guherîn û pêşkevtinên siyasî û aborî yên Herêma Kurdistan û İraqê, bi taybetî xerapiya rewşa debara jiyanê ya hemwelatiyan û miaşxwerên Herêma Kurdistanê ku jiber krîza darayî û belavbûna vîrusa koronayê durust bû ye, paşê jî bi destnîşankirî pişti derxistina yasaya Parlementoya İraqê, peywendîdar bi kêm derketina budce û wergirtina deyn, krîz kûrtir bûn e. 

Ligel tekez kirin li ser xurtkirina peywendiyên nêvbera herdu aliyan, bi pêwîst hat zanîn ku pêngavên kirdar yên bilez ji bo çareseriya pirsgirêkan bên avêtin; wekî hevrabûn li ser van pêngav û biryarên xwarê:

1-Bilez wefdekî xwedî biryar ya Hikûmeta Herêma Kurdistanê bê pêkanîn û biçe Bexdadê ji bo gotûbêjkirin li ser çareseriya bingehîn û dawîn ji bo pirsên budce û miaşên Herêma Kurdistanê. Di heman demê de ev pêngav bibe temelek qayîm ji bo yasaya Budceya 2021ê ya federal.

2- Pêşwazî li pêngavên pêşveçûna sîstema nemerkeziya îdarî û darayî dikin. Wekî ku di karnameya Kabîneya Nehem ya Hikûmeta Herêma Kurdistanê de cîh digre. 

3- Amadekirina atmosferek guncaw ji bo berhevbûna aliyên siyasî yên Herêma Kurdistanê û xurtkirina peywendiyan bi armanca çareserkirina wan pirsgirêkan ku rastî realiteya Herêma Kurdistan û İraqê dibin. 

                                                                                                            - Yekîtiya Niştimaniya Kurdistanê (YNK)

                                                                                                            - Tevgera Goran 

                                                                                                                                     29-11-2020

Puknow

Metîn Mihemed