Tecrubeya demokrasiya Herêma Kurdistanê di dîroka Netewa Kurd de ya herî demdirêj e

  2021-03-04 23:56      154 Car hatiye dîtin        Şîrove
Bi serhildanê; Kurdewarî, serbestiya siyasî û azadiya raman, xebata rêkxistinî û tevgera jinan û edebiyata kurdî geşe kiriye

Beyannameya Polîtburoya Yekîtiya Niştimaniya Kurdistanê (YNK) ya bi helkevta 30hemîn salroja Serhildana Mezin ya gelê Kurd:

-Kesûkarên serbilind yên şehîdan
-Pêşmergeyên qehreman
-Neviyên Kurdistanê yên paş Raperinê (Serhildanê), keç û kurên azadîxwaz yên niştimanê
Bi coşa dema rabûna dijî dîktatorê Beasê, em bi slavêkî germ pîrozbahiya 30hemîn salroja Raperîna Mezin li we dikin ku 5ê Adara 1991ê ji derbazeyê mizginiya rizgarî û azadiya seranserî bi gelê zilmdîtiyê da, bi şahiya bajarên mezin yên Kurdistanê û bi bajar û gundan ve, werçerxanekî mezin di dîroka me de xulqand. 
Di Adara 1991ê de paş çend deh salan ji serkut û jêrdestiyê, bi taybetî bi saya hikumraniya Beasê bi sûdwergirtin ji şertûmercên kuçegirî û lewazbûna rejîma hanê, bi pêşbîniya Serok Mam Celal û serkirdayetiya meydanî ya YNKê û rêkxistinên li raberayetîkirina girseyê, xwasta azadîxwaz ya Kurdistanê hevşanê xwasta iraqiyan li başûrê welêt, bi rûyê zilm û cihêkariya neteweyî û mezhebî ve teqiya. Dewleta şovên ya Beasê ji Kurdistanê hate paqijkirin û bu xaleke pêkanîna tecrubeyekî demokrasiyê ku ya herî demdirêje di dîroka netewa me de. 
Di 30 salên paş Serhildanê de kurdewarî geşe kiriye û destpêşxeriya xurtkirina serbestiya siyasî bi xwe re aniye, pêşkevtina xebata rêkxistinî  û tevgera jinan û azadiya raman, jibilî avedanî û pêşkevtina aborî û vejîna edebîyat û pêşkevtinên cûrbicûr ku hêj gellek tiştên din mane ji bo pêk bên. Bi taybetî, paş herifîna rejîma faşîst bi Proseya Azadiya İraqê ku zemîn ji bo welatek federal û destûreke gelpesend xweş kir bi nexşerêya Maddeya 140 û derfeta beşdariya sengîn di hikumraniya Bexdad û bi şirîkiya siyasî.
Hemwelatiyên xweşdivî, Civaka Kurd bi taybetî zarên jêhatî yên kurdewarî yên paş zemawenda Raperînê!
Niha paş 30 salan ku em Serhildanê bibîr tînin, çendîn neslên çavvekirî, xwendewar, xwediyê xwastên nû ji keçan û kuran pêgîhîştine; bi dinyabînina nû nirxandinên nû dikin ku pêwîste siyaseta Kurdistanê jî hevşanê van pêşkevtinan, têgîhiştina nû berhem bîne û raberatiya wan jî bikin bi heman ruhê YNKyiyane ku raberatiya xwasta neslên Raperîna dêrîn kirin.
YNKya nubûnê bi serkirdayetiyekî taze ya ji cewherê geşeya kurdewarî û tecrubeya dûr û dirêj ya Serok Mam Celal, raber û pêşbînîsazê guherînên mezin, gîhîştiye vê şiyanê û dikare berê karwanê nû jî bide bi bersivdêriya xwastên gel ji bo pêşxistina zêdetir û zêdetir hikumraniya Kurdistanê ber bi nemerkeziya îdarî û darayî  ve bibe ku debar û jiyanek hêjatir ji bo gelê me peyda bike. Rêyên kurtir û modern ji bo çareseriya pirsên aborî û siyasî bibîne, destpêşxeriyê bigre destê xwe ji bo çaksazî û şirîkiya rastîn û rastkirina reya hikumraniya demokratîk û azadiya raman û serbestiya siyasî ku her ev xalên hanê, armancên sereke yê Serhildana 1991ê bûn. Ji bo avakirina peywendiyekî durust û bandor ligel hikûmeta merkezî û bidestxistina maf û heqên destûrî yên Gelê Kurdistanê ku her ew jî rêya rast ya bidesxistina armancaên me ye û destkevtên me yên destûrî jî diparêze ji her paşkişe û gefekê jinişka ve yê nehezan. 
Yekîtiya Niştimaniya Kurdistanê (YNK) wek hêzekî berpirsyar û xemxwur, bi fedekarî dê têkoşîna xwe bidomîne, ji bo wan armancên Serhildanê ku hêj mane û em di wê baweriyê de ne bi wê nexşerêyê pêk tên. Çunkî, ligel ruhê Raperînê û pêwîstiya kurdewariyekî hemdem ya sedsala bîstûyekê guncaw û tebaye. Bi vê armancê jî em bang li hemû hêzên kurdayetî û demokratîxwazên Kurdistan û İraqê dikin ku bihevre îradeya gelê me ji bo erkên siberojê amade û bihêz bikin. Welatekî hêjatir ji bo gelekî qurbanîdêr û şehîdperwer dabîn bikin.
Di dawiyê de 30 saliya Raperînê (Serhildanê) pîroz be
-Slav li ruhê pak yê raber û serokê herdem di bîr de Mam Celal û şehîdên Kurdistanê.
-Slav li Pêşmergeyê qehreman.
-Slav li neslên azad û cîwanên wêrek yên bi saya ezmûna demokrasiya Kurdistanê.

                                                                                                                  Polîtburoya 
                                                                                               Yekîtiya Niştimaniya Kurdistanê (YNK)
                                                                                                               5ê Adara 2021ê
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî