Danezana YNKê bi helkevta bîranîna 8ê Adarê Roja Cîhanî ya Jinan:
8ê Adarê, hilkefta çoşdana xebata jinên azadîxwaz û yeksanîxwaz yên Kurdistan û Cîhanê ye; di vê rojê de pîrozbahiyê li hemû jin û keçên azadîxwaz yên Kurdistanê dikin. 
8 Adarê, roja coşdana xebata jinê ye ji bo bidestxistina mafên xwe û çespandina yeksaniya cênderî û rizgarbûn ji wan kevneşopî û hizra kevn ku bûne sebeba çewsandina jinan û bêbeşbûna wan ji mafên xwe yên civakî û yasayî û beşdariya wan ya aktîf di warên giring yên jiyan û civakê de. 
Jinên Kurdistanê, bi bandor beşdarî xebata niştimanî û neteweyî kirine ji bo rizgarbûn ji li zilm û neheqiyan û rûbirûbûna metirsiyên terorê; lewre di vê rojê de em, 8ê Adarê tenê wek munasebetekî xebata yeksanixwaziya jinan nanirxînin, belku jinên şehîd û têkoşeran jî bibîr tînin ku bûne sembola jîriya jinên Kurdistanê. Di çeperan rûbirûbûna dijminên azadî û mirovatî û gelê me de û di jenosîda enfal û kîmyabaran û qira Ezdiyan û di zindanan de bi serbilindî canên xwe bexşîn e. Em wan jinan jî bibîr tînin ku jiber tûndûtîjiyê bûne qurbanî. Herwiha, wan jinan jî bibîr tînin ku di kurdewariyê de hevîna şanaziyê ne, dayk, hevser û keçên şehîdan û enfalkiriyan jî bibîr tînin û serê rêzê di satê astê serbilindiya wan de diçemînin. 
Paş Raperînê (Serhildana 1991) di xebata sivîl û demokrasiyê jî de ji bo rûbirûbûna cûdakariya regezî û tûndûtîjî beramber bi jinan û guhertina yasayên kevn bi yasayên hevçerx ku mafê jinê berdest dike, pêngavên mezin hatine avêtin. Lê, hêj rêya têkoşîna jinên Kurdistanê ji bo rizgarbûn ji tûnûtîjî û cûdahiya cenderî û pêkanîna erkên niştimanî û demokrasiyê, dûr û dirêj e. 
Yekîtiya Niştimaniya Kurdistanê (YNK), wek herdem piştevanê xebata jinêye û bi praktîkî jî çendîn destkevt ji bo jinan pêk aniye. Ji bo niha û siberojê jî bi fedekariyek mezin dê desteka xwe ji bo jinan û rexsandina zemînek guncawtir ji bo beşdarîkirina aktîf ya jinan di hemû waran de û çareserkirina pirsên civakî û yasayî û anîna xwîna nû û enerjiya nû ya keçên azadîxwaz bidomîne.
Pîroz be 8ê Adarê Roja Cîhanî a Jinan
Serkevtin ji xebata yeksanîxwaziya jinên Kurdistanê 
                                                                                                                      Polîtburoya 
                                                                                                     Yekîtiya Niştimaniya Kurdistanê 
                                                                                                                 8ê Adara 2021ê
Puknow
Metîn Mihemed