YNK siyaseta rêkxistina nêv mala Kurd peyrew dike

  2021-07-12 15:23      111 Car hatiye dîtin        Şîrove
Serok Bafil Talebanî pêşwazî li Heyder Ebadî kir

Serok Bafil Talebanî, îro (12-07-2021), li Silêmanî li Dabaşan, pêşwazî li Serokê Hevpeymaniya Nesr û serokwezîrê berê yê İraqê Heyder Ebadî kir. 
Di hevdîtinê de gotûbêj li ser pêşkevtinên siyasî yên li Herêma Kurdistan, İraq, Rojhilata Navîn û hilbijartinên pêşdem yên Parlementoya İraqê hat kirin. 
Herdu alî li ser rexsandina atmosferek guncaw ji bo lidarxistina hilbijartinekî pak û zelal giranbuha zanîn ku bibe hevîna îstîkrara siyasî û razîtiya hemû aliyan. 
Bafil Talebanî, nexşerê û stratejiya niştimanî ya YNKê ji bo hemû hevkêşan anî zimên û têkêzî  li ser giringiya yekgirtina hêz û karîn û nerînên cûda kir ji bo zalbûn bi ser arîşeyan û gîhîştin bi çareseriyên bingehîn li ser pirsên nêvbera Herêma Kurdistan û İraqê.
Derbarê Herêma Kurdistanê de Serok Bafil Talebanî, got: “Em dixwazin mala Kurd rêkbixin û nerîna me ya hevbeş hebe ji bo pirsgirêkan. Em bihevre Kurdistanê ber bi perên aramî û îstîkrariyê ve bibin. Ji bo vê jî pêwîstiya me bi bira û hevalên me heye bi hêzên Şîe û Sunne û tev hêz û aliyên din ku piştgiriyê bidin û em bihevre welatekî sazûmanî ava bikin û giyanê aştî û bihevrejiyanê bivejînin. Ev jî ew siyasete ku YNK peyrew dike”.
                                                                                                Nivsîngeha Çapemenî û Peywendî ya Bafil Talebanî

Puknow

Metîn Mihemed
 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî