"YNK emanete û emê bi giyanê xwe biparêzin"

  2021-07-15 15:33      205 Car hatiye dîtin        Şîrove
Serokê YNKê Bafil Talebanî: Bavo can rênîşander û raberê dîroka me

Serokê Yekîtiya Niştimaniya Kurdistan (YNK) Bafil Talebanî, îro (15-07-2021), li Silêmanî, serdana aramgeha Serok Mam Celal kir û di navnîşan xwe ya tora civakî faysbûkê de wiha nivîsandiye:
Bavo can rênîşander û raberê dîroka me
Îro, ez hatime hizûrê we, da ku ji nêzîk ve rastiyan bigihînim û dilniyayî bidim bi we ku ez bi berdewamî û bi sebir tevbigerim beramber parastina yekîtiya nêv YNKê û emaneta xwîna şehîdan, renc û westiyana pêşmergeyên dêrîn, têkoşerên rêya xebatê, zindaniyên siyasî, kêmendamên çeper û qurbanidanên civakê.
Di encam de ji neçarî, paş hewlên bê nêvber û têkoşinê ji bo YNKya me û parastina rêbaza rast û rewan û bi şêwiriya ligel serkirdeyên têkoşer û xemxwerên YNKê yên rastîn; min biryara guherînên bingehîn dam di serpereşyarên hemû wan dezgehên ewlehî û hizbiyan de ku çend salek bû xistibûn xizmeta berjewendiyên hinek kesan û ji bo nehiştina hizbê dihat bikar anîn û dijî berjewendiyên bala yên gelê me û YNKya me tevdigeriyan. Di demekê de karmendên van dezgehan xelkên têkoşer û dilsoz bûn; lê, armanca vî karî diltevlihevker, bi wan dihat kirin. Dest bi temamî xistibûn kar û bazirganiya kasibkar û sermayedaran. Bi pîlangerî û bername rêgirî li saziyên hikûmetê dihat kirin, da ku kar û projeyên wan neyên cîbicîkirin.  Qaçaxçîtî, seranewergirtin, gef û sîxurî bi bername dihat kirin. Di dawiyê de gilî û gazinên komeleyên xelkê, nivîser, rojnamenivîs û rewşenbîr, mamostayên zanîngehan, dilsoz û navendên dîplomasiyê û kesûkarên serbilind yên şehîdan bi ciddî hatin nirxandin û me biryara rast da beramber yasaşikênan.
Îro, em li ser mezarê we sozê didin, YNK emanete û emê bi giyanê xwe biparêzin. Tekez dikim ku siberoja YNKê dê geş be û dê çi kes nikari be û cesaret neke carekî din sixur bixe nêv mala Mam Celal, heta dê nikaribe bixe nêv civak û saziyên hikûmetê jî û em rê nadin ev karê kirêt bê kirin û divê ji îro pê ve dezgehên ewlehiyê û dezgehên zanyarî di xizmeta asayîşa Herêma Kurdistan û parastina serûmalên xelkê û pêkanîna jîngehekî libar  be ji bo karûkasib û jiyana hemûyan. 
Soz be... di astê meziniya YNK û serweriya xaka Herêma Kurdistanê de sozê didim ku mafên xelkê û berjewendiyên giştî, alîgir, tekoşer û kesûkarên şehîdan biparêzim.
                                                                                                 Serokê 
                                                                          Yekîtiya Niştimaniya Kurdistan (YNK)
                                                                                             Bafil Talebanî
Puknow
Metîn Mihemed
 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî