Ji hemû deman zêdetir pêwîstî bi hevkariya Hêza Pêşmerge û Hêzên İraqê heye

  2021-07-20 09:29      142 Car hatiye dîtin        Şîrove
Hevserokê YNKê êrişa terorîstî ya li Navçeya Sedr ya Bexdadê bi dijwarî şermezar dike

Hevserokê Yekîtiya Niştimaniya Kurdistanê (YNK) Bafil Talebanî, peyamek hevxemiyê ji bo qurbaniyên kiryara terorîstî ya Navçeya Sedr ya Bexdadê weşand. 
Teksta peyamê:
Ligel sersaxikirin ji bo qurbaniyên kiryara terorîstî ya navçeya Sedr ya Bexdadê, hêviya zû başbûnê ji bo birîndaran dixwazin. Em bi dijwarî vê kiryara namirovî şermezar dikin ku jimareyek hemwelatiyên medenî bûne qurbanî. Ev bûyerên hanê ji mere dibêjin ku hêj metirsiyên terorê mane û hewceyî bi yekrîzî, tebayî û hemahengiya hemû aliyekî heye ji bo zalbûn bi ser pirsgirêkan ve. Ji hemû deman zêdetir pêwîstî bi hemahengî û arîkariya Hêza Pêşmerge û Hêzên İraqî heye ji bo serkevtin bi ser arîşeyên ewlehiyê û pêkanîna asayîş û aramiya zêdetir. Ji bo vê armancê jî wek Yekîtiya Niştimaniya Kurdistan (YNK), em ji bo hemû piştevanî û hemahengîyekê amadene, da ku rûbirû paşmayên terorîstên DAIŞê bibin û bigihêjin diyaloga niştimanî ya avaker ji bo îstîkrara siyasî û aştiya civakî di nêvbera hemû netewe, pêkhat û baweriyan de.
Bi hêviya asayîş û aramî zêdetir bandora xwe li ser welêt û gelê me bike
                                                                                      Hevserokê 
                                                               Yekîtiya Niştimaniya Kurdistanê (YNK)
                                                                                     Bafil Talebanî
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî