Kurdistaniyên xweşdivî!
Em berbi dawîn dema pêvajoya bangeşeya hilbijartinên pêşdem yên Parlamentoya İraqê nêzîk dibin û bi gurûtîniya destpêkirina Şoreşa Nû ya gelê me, rojên serhildanê û rizgarkirina Kurdistanê ji lepê Beasê dagirker û têkoşîna dij bi tarîkperestên DAIŞê, ber bi sindoqê dengdanê ve diçin. 
Îro proseya dengdana taybet birêve çû; bi hêjayî, pêşmergeyên qehreman û hêzên navxwe bi moralek xurt beşdarî proseyê bûn û rayên xwe dan. Em hêvîdarin, em jî bi heman moral û enerjiya wan beşdarî proseyê bibin. 
Xelkê qehreman û têkoşer yê Kurdistanê!
Yekîtiya Niştimaniya Kurdistanê (YNK) wek hêzekî resen, xwedî dîrokekî pak û bi şewq, pêşeng di xebat û qurbanîdan, dahêner di têkoşîna dij bi dujmin û pûçelkirina pîlanan; ji bo vê hilbijartinê em ligel hevalên xwe Tevgera Goran di çarçoveya Hevpeymaniya Kurdistanê de beşdarî vê proseyê dibin. Bi piştivanî û desteka têkoşerên gelê me û xelkê dilsoz û egîd yê Kurdistanê, çavê me li serkevtina mezin e. Em dixwazin serbikevin û serkevtina xwe bikin diyarî ji bo raberên me Mam Celal û Newşîrwan Mistefa û hemû têkoşerên din. 
Wek Yekîtiya Niştimaniya Kurdistan (YNK), armanca meye ji Xaneqîn heta Zaxo yê, li Silemanîya paytexta rewşenbîrî û bajarê pêngav û qurbaniyê, li Kerkûka Qudsa Kurdistan, li Hewlêra qela û minare û landika şêran, li Duhoka rengîn û Helebceya bineheq şehîdkirî, li Germiyana Enfalkirî û derbazeya Raperînê, li Bexdada paytexta İraqê û li Mûsila birîndar, baweriya xelkê Kurdistanê bidest bixin. Nûnerên me li Bexdadê di çarçoveya stratejiya zelal ya Mam Celal de bi xurtî kar ji bo çespandina mafên me yên neteweyî, peydakirin û parastina  qûtê xelkê Kurdistanê bikin. Xebatê jî bikin ji bo  mîsogerkirina heqên darayî yên Herêma Kurdistanê û cîbicîkirina destûra İraqê.
Kurdistaniyên xweşdivî!
Beşdarîkirina we di proseya dengdanê de mafekî serekî yê we ye û bi beşdarikirin ê hûn dikarin bibin beşek ji aliyê rêxeta biryardanê li welêt. Dengdayîna we bi Hevpeymaniya Kurdistan û Yekîtiya Niştimaniya Kurdistanê bîhêzkirina pêgeha Kurd e li Bexdadê. YNKyek bihêz li Bexdadê mîsogeriya jiyanekî bi îstîkrare li Herema Kurdistan û rastkirina rêrewa biryardanê ye di berjewendiyê gelê me de. 
YNKyiyên xwîn kesk!
Di dirêjahiya dîrokê YNK de me gellek hewraz û nişîv dîtiye; dujminên me bi berdewamî xewna binketin û jinavçûna YNKê dîtine, we nehiştiye xewna neyarên me pêk bê. Vê carê jî bi beşdariya we ya YNKyiyane di proseya dengdanê û serxistina berbijarên me de hûn dikarin ji bo yar û neyaran biselmînin ku YNK hêzekî resen e û xwediyê girseyekî polayî ye û qet nakeve. Divê em vê carê jî biselmînin ku YNK hêzeke ji hinavê civaka Kurdistanê serî hildaye. Her xelkê têkoşer û bi şeref yê Kurdistanê dê YNKê serbixin û dê biselminin ku wek mamê me hemûyan Mam Celal gotiye; “Sefîn diherife YNK naherife”.
Em daxwaz ji hemû kadro, endam û alîgirên YNKê, kesûkarên serbilind yên şehîd û enfalkiriyan, kesûkarên pêşmerge yê qehreman , zindaniyên siyasî û kêmendamên çeperan, kesên xwediyê pewîstiyên taybet, bi taybetî ji gencan, law û keçen ji hemû Civaka Kurdistanê dikin ku rayên xwe bidin bi Hevpeymaniya Kurdistanê. 
Ji bo asûdekirina ruhê şehidên me, ji bo serxistina hevpeymaniya Mam Celal û Newşîrwan Mistefa,
Bi armanca peydakirina siberojekê geş ji bo neslên bê û mîsogerkirina jiyanekî hêja ji bo genc û lawên me, dengê xwe bidin bi Hevpeymaniya Kurdistane. 
Em bihevre bihêz in.
                                                                                              Polîtburoya 
                                                                               Yekîtiya Niştimaniya Kurdistan
                                                                                             08-10-2021
Puknow
Metîn Mihemed