Bafil Celal Talebanî êrişa bo ser Kulleco şermezar kir

  2021-11-28 11:58      321 Car hatiye dîtin        Şîrove
Bafil Celal Talebanî

Bafil Celal Talebanî, êrişa şeva raborî ya DAIŞê bo ser Nahiyeya Kulleco ser bi Navçeya Kifrî li sînorê Îdareya Germiyanê şermezar dike û hemahengiya Hêza Pêşmerge û Artêşa İraqê li sînorê navçeyên Kurdistanî yên qutkirii dijî terorîstan giranbuha dizane.
Teksta peyamê: 
Şeva bihurî di hewlekî tirsinokî ya terorîstî de êriş birin bo ser çeperên pêşiyê yên Pêşmerge li sîrorê Nahiya Kulleco. 
Mixabin di encama wê êrişa terorîstî de pênc pêşmergeyên qehreman şehîd bûn û çar pêşmergeyên din birîndar bûn. 
Ligel şermezarkirina vê êrişa terorîstiyê, em sersaxî û hevxemiya xwe araste kesûkar û malbatên serbilind yên wan şehîdan dikin û hêviya zû başbûnê ji bo birîndaran dixwazin. 
Bi dilgiraniyek mezin, temaşe çend carek dubarebûna van êrişên terorîstî bo ser çeperên Hêza Pêşmerge li navçeyên pirsgirêk li ser û qutkirî ji Herêma Kurdistanê dikin. Ji bo rûbirûbûna van êrişan, pêwîstî zêdetir bi plan û programa hevbeş û hemahengî heye bi taybetî xurtkirina bihevre karkirinê di nêvbera Hêza Pêşmerge û Artêşa İraqê de ji bo rûbirûbûna paşmayeyên DAIŞê û rêgirîkirin li bizavên wan ku hevîna gefên ciddîne bo wan sînoran. 
Di vê çorçoveyê de carekî din em daxwaz dikin, dosyeya ewlehî ya deverê bi hevbeşî bi siyaset û hizrekî din ji bo îstîkrara asayîş û aramiya zêdetir bê birêvebirin. 
Dubare serbilindî ji bo ruhî şehîdên me û Xwedê aramiyê bi kesûkarên şehîdan bibexşe. Hêviya zû başbûnê ji bo birîndarên me dixwizin û ji bo her hevkarî û çareseriyekî bilez, amadebûna xwe radigihînin û em ligel we ne. 
                                                                                                                  Bafil Celal Talebanî
Puknow
Metîn Mihemed
 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî