Hevpeymaniya Kurdistan gilî tomar dike ji bo bidestxistina sê kursiyên din

  2021-12-01 23:14      212 Car hatiye dîtin        Şîrove
Arşîv

Hevpeymaniya Kurdistan ji bo bidestxistina mafê sê berbijêrên xwe giliyê tomar dike.
Derbarê vê mijarê de Endamê Polîtburoya Yêkitiya Niştimaniya Kurdistanê (YNK) Rizgar Hecî Heme, ragihand; Hevpeymaniya Kurdistan li Dadgeha Federal a İraqê giliyê tomar dike ji bo bidestxistina mafê sê berbijêrên hevpemaniyê li bazneyên yek ya Hewlêrê, li bazneyên sê û çar yên Nînowa yê. 

Navên wan berbijêran jî evin:

1-Feysel Kerîm Xan Biradost li bazneya yek ya Hewlêrê.
2-Mecîd Ehmed Îsmaîl Mito li bazneya sê ya Nînowa yê.
3-Ezîz Ebdulezîz Kemal li bazneya çar ya Nînowa yê. 
Eger ev berbijerên hanê biryara Dadgeha Federal werbigrin û ew maf ji bo wan bê vegerandin, vêca hejmara kursiyên Hevpeymaniya Kurdistanê li Parlemantoya İraqê dê bigihêje 22 kursiyan.
Hilbijartinên pêşdem yên Parlemantoya İraqê roja 10-10-2021 hat lidarxistin û Komisyona Bilind ya Serbixwe ya Hilbijartinan ya İraqê, encamên wê pêşkêş bi Dadgeha Federal a İraqê kiriye, da ku biryara dawî li ser bide û encamên dawî yên resmî bê ragihandin.
Puknow
MMS
 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî