Komisyona Serbixwe ya Hilbijartinan bersiva tometên PDKê dide

  2021-12-02 23:54      158 Car hatiye dîtin        Şîrove
Arşîv

Komisyona Bilind ya Serbixwe ya Hilbijartinan a İraqê, duhî (02-12-2021), bi daxuyaniyek nivîskî bersiva rexne û tomet bexşînên Partiya Demokrata Kurdistanê (PDK) da.
Paş jidestdana 2 kursiyên Parlemantoya İraqê li Hewlêr û Nînowayê ku piştî giliyên Yekîtiya Niştimaniya Kurdistanê (YNK), Komisyona Hilbijartinan pêdçûn li ser kir û di encam de 2 kursiyên parlemantoyê yên YNKê zêde kir û PDKê jî du kursiyên parlemantoyê jidest da, PDKê dest bi nerazîtî û tometbarkirinê kir.
Li beramber vê rewşê, Komisyona Hilbijartinan bi danezanekê tometên PDKê red kir ku PDK dibêje; ‘bi neyasayî dema tomarkirina giliyê hatiye dirêjkirin” û ragihand ku dema tomarkirina giliyê nehatiye dirêjkirin; çunkî çi biryarek bi navê ‘dirêjkirina dema giliyê’ nîne. Herwiha, Serokkomar û Encumena Dadwerî ya İraqê bi çi awayekî dest di karûbarên komisyonê de wernedan e.
Di danezanê de Komisyona Bilind ya Serbixwe ya Hilbijartinan ya İraqê, tekezî li ser serbixweyiya xwe û hevrayiya temamê endamên xwe li ser biryaran dike ku nûnerên hemû rengên civaka İraqê li xwe digre û çi alî û kesek nerîna xwe ferz nake û bandora çi kesekî nîne di çi pile û postekî dewletê de be.
Di dawiya danezanê de Komisyona Serbixwe ya Hilbijartinan, cardin tekez dike ku Serokkomar û Serokê Encumena Dadwerî bi çi awayekî destwerdan nekirine, berovajî herdem dûr ji givaşê piştgirî li serbixweyiya karên komisyonê kirin e.
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî