Serokwezîrê İraqê Mistefa Kazimî, aşkere kir kir ku Wezareta Petrolê erkdar kiriye li ser arîşeya neft û xazê ligel Herêma Kurdistanê hemaheng bin. 
Civata Wezarî ya Asayîşa Niştimanî a İraqê, îro (16-02-2022), bi serokatiya Serokwezîr Mistefa Kazimî civiya û gotûbêj li ser biryara Dadgeha Federal a İraqê li ser dosyeya nefta Herêma Kurdistanê kirin. 
Encumena Wezîran bi daxuyaniyek nivîskî naveroka civînê bi raya giştî re parve kir: 
Serokwezîr Mistefa Kazimî di civînê de ragihandiye, Wezareta Neftê erkdar kiriye ku li ser arîşeya neftê, kompanya û welatên peywendîdar ligel Herêma Kurdistanê hemahengiyê bikin û tekez kiriye ku divê amraz û pêngavên dilniyaker bên danîn ji bo birêvebirina dosyeya petrolê ligor destûr û berjewendiya bilind ya welêt. 
Dadgeha Bilind ya Federal a İraqê, duhî (15-02-2022) di biryarekê de tekez kir ku derkirina yasaya neft  xazê ji aliyê Herêma Kurdistanê ve û firoştina wê bo derveyî welêt ne destûriye û divê Herêma Kurdistan dosyeya petrolê bide destê hikûmeta federal ya İraqê. 
Puknow
mms