Seroka Parlemantoya Kurdistanê Rewaz Fayeq, bi daxuyaniyek nivîskî ronahî xist ser daxistina civîna giştî a îro (22-05-2023) û aşkere kir, piştî daxistinê çi buhayê yasayî û peyrewî yê encamê rûniştina îro a parlemantoyê nabe. 
Di rûniştina îro de ku rojev biyek paket sererastkirina yasaya hilbijartinê û aktîfkirina Komisyona Bilind a Hilbijartinan bû; lê li ser fişara aliyekî siyasî ku dixwast tenê Komisyona Bilind a Hilbijartinan bê aktîfkirin, li Parlemantoya Kurdistanê alozî di nêvbera aliyên siyasî de derket. Jiber vê jî Seroka Parlemantoyê di çarçoveya xal û bendên peyrewa navxwe a Parlemantoya Kurdistanê de deshilata xwe bikar anî û rûniştina îro daxist. Rewaz Fayeq rûniştina îro bi rûniştinekî mirî binav kir û got: “Civîna îro wekî miriye û mirî zindî nabe”.
Seroka Parlemantoya Kurdistanê bi daxuyaniyekî nivîskî jî  raya gistî haydar dike: 
Daxuyaniya Seroka Parlemantoyê ji bo saziyên destûrî yên Herêma Kurdistanê û raya giştî!
Li ser bingeha rûniştina jimare 4 a roja Duşemiyê (22-05-2023) ku Serokê Parlemantoya Kurdistanê ligora ew deshilata di peyrewa navxwe de pê hatiye dayîn ku xwe di benda 3. a maddeya 18 de dibîne (destpêkirina xul, rûniştinên parlemantoyê, serokatîkirin, bidawîkirin û paşxistin, destnîşankirina dema encamdana wan) rûniştina ku li serê behsa wê têkirin, hatiye paşxistin û dawî lê hat.
Di vê çarçoveyê de em radigihînin:
Yekem: Piştî daxistinê, çi buhayê yasayî û peyrewî yê encamê rûniştinê nabe.
Duyem: Ligor birgeha 11 a maddeya 18, deshilata îmzekirina hemû belgeyên nivîskî yên parlemantoyê tenê bi Seroka Parlemantoyê hatiye dayin. Seroka Parlemantoyê ew deshilat nedaye bi kesê din ku bikar bîne. Lewra, her belgeyekî nivîskî bibê îmzeya Seroka Parlemantoyê ji bo her saziyekî bê şandin, çi buhayekî yasayî li xwe nagre. 
                                                               Ofîsa Ragihandinê a Serokatiya Parlemantoya Kurdistanê 
Puknow
MMS