Di bîranîna 48 saliya damezrandina Yekîtiya Niştimaniya Kurdistanê (YNK) û 47 saliya destpêkirina Şoreşa Nû a gelê me de ez bi germî pîrozbahiyê li xelkê xweşdivî yê Kurdistanê, kesûkarên serbilind yên şehîdan û têkoşerên rêya xebatê dikim. Slavê rêz û wefadariyê ji bo raber û serkirdeyê me Serok Mam Celal û hemû damezrênerên YNKê û dînamoyên vê şoreşê re dişînim û em xwe bi deyndarê xebata bênêvber û dîroka pir ji şanaziyê dizanin. 
Îro ji bo me ew roja dubarekirina wefadarî û pêbendbûnê ye bi xwîna şehîdan û prensîpên neguher yên YNKê ku çespandina “Aştî, demokrasî, mafên mirov û diyarkirina çarenivisê” li xwe digre.
Kurdistan ji qonaxekî hestiyar re derbaz dibe û astengiyên mezin li pêşiyê ye, jibilî yekrîzî û tebayiyê çi rêyekî din nikare mayin û bihêziya statuya Herêma Kurdistanê mîsoger bike. Em dixwazin, gotûbêj û rêkevtin çareseriya arişeyan be û dûr ji xwesepandinê em bihevre Kurdistanê ber bi siberojekî geştir ve bibin. Jiyan û serfiraziya xelkê me, xema me a mezin be û berjewendiyên kes û partiyan, armancên me yên bilind jibîr nebe. 
Yekîtiya Niştimaniya Kurdistan (YNK) herdem destpêşxer bû ji bo hemahengî û karê hevpar bi armanca xizmetkirina Xelkê Kurdistanê. Xebat kiriye ji bo bihêzkirina payeyên hikumranî, demokrasî û berfirehkirina sînorên azadî yê. Bawariya wê a temam bi karê hevbeş û bihevreyiyê heye ji bo serxistina proseya siyasî û rûbirûbûna arîşeyan. Divê nakokiyên raboriyê bicîh bihêlin, bihevre ber bi siberojekî îstîkrartir gav biavêjin û wê jiyanê ji bo hemwelatiyên xwe berdest bikin ku me soz da bû.
Yekîtiya Niştimaniya Kurdistan (YNK) herdem banga bihevreyî û yekgirtiyî kiriye, çunkî bihêziya me girêdayî bi hevrebûn û yekdengiya me ye. Ji bo vê jî me hemû hewlên xwe xistiye ger û me xwastiye li Bexdadê nûnerên rasteqîne yên xelkê Herêma Kurdistanê û pêkhênerê mafên me yên yasayî bin. Bi hevparên xwe re li İraqê me hewl ji bo rakirina astegiyan daye û emê berdaw jî bin. Em dixwazin li ser bingeha hevpariya rast û durust û xurtkirina bihevrejiyanê, siberojekî geştir ji bo xelk û welêt mîsoger bikin. 
Em, xelkê xweşdivî yê Kurdistanê, kesûkarên serbilind yên şehîdan û hemû YNKyiyên dilsoz dilniya dikin ku em nahelin YNK ji rêbaza xwe ya pîroz lade û em bi giyanê xwe partiya we ya têkoşer diparêz in. YNK mala we ya herdemî bûye û dê her wiha bimîn e. 
Slav li giyanê pak yê Serok Mam Celal û hemû şehîdên rêya rizgariya Kurdistanê. 
                                                                                                                 Serokê 
                                                                                     Yekîtiya Niştimaniya Kurdistanê (YNK)
                                                                                                       Bafil Celal Talebanî
Puknow
Metîn Mihemed