Hevalên min yên serbilind!
Yekîtiya Niştimaniya Kurdistanê (YNK) ku di raboriyê de bi rêya şoreşa çekdarî û bexşîna zêdetir ji 26 hezar şehîd bi Xaka Kurdistanê xebat kiriye; evro bipêbendbûn bi pêdiviyên xelkê û têgîhîştin ji rewşê, ligor me xebata siyasî rêya herî baş ya xebatê ye ji bo parastina destkevtan, pêşkêşkirina xizmetguzarî û avakirina siberojekî geştir û bi îstîkrartir. 
YNK bi nerîn û stratejiyekî bihêz, siyaseta xwe li nêvenda federaliye peyrew dike; siyasetek ku beriya me hemûyan Serok Mam Celal peyrew dikir ku aştî, bihevrejiyan û hevpariya rastîn lixwe digre. Em dizanin kûrahiya stratejiya Kurd li Bexdadê ye; lewra em dixwazin bi vê rêyê hewlê ji bo bihêztirkirina pêgeha Herêma Kurdistanê, bidesxistina mafên destûrî û berdestkirina jiyanekî hêja ji bo xelkê me yê xweşdivî bidin.
Herwiha, teqez li domandina siyaseta niştimanî û neguherî ya YNKê dikim derbarê pirsa neteweyî û piştgirîkirina li mafên Gelê Kurd li her cîhekî Cîhanê be. 
Em hemû bihevre berbi qonaxekî nû ya xebata rêkxistiniyê ve gavê diavêjin û Kongreya Pêncem bi armanca bihêzkirina YNKya me lidardixin. Dilniya me bi piştgiriya Xwedê û dilsoziya we ya xweşdiviyê emê serbikevin û mizgîniya YNKyekî bihêztir bidin Xelkê Kurdistanê. Bila li cem we û hemû Xelkê Kurdistanê zelal be; baweriya me ya temam bi nûgerî û nûbûnê heye, em ligel guherînan gavan diavêjin û xwe nû dikin. Ev jî rastiyekî dîrokiye û herdem xwînekî nû di damarên Yekîtiya Niştimaniya Kurdistanê (YNK) de diger e. 
Xweşdiviyan!
Dîrokê selmandiye ku YNK çeperê bihêz yê Kurdayetî û birca bilindiya berxwedêriyê ye; dîroka xebata me ewqasî zêrînê ku em çi hêzekî ji xwe dilsoztir ji bo Kurdistanê nizanin. Îro jî hêz û bandora YNKê li Herêma Kurdistanê û nêvenda federaliyê licem hemûyan zelal e. Peywendiyên me yên nêvdewletî jî di astekî bilind de ye, aşkere jî ye xurtiya YNKe tê wateya bihêziya Herêma Kurdistanê û İraqê. Lewra divê hemû hevalên me ji wê dilniya bin ku YNKyîbûn berpirsyariyekî dîrokî, niştimanî û ehlaqî ye. Divê hemû hewl û gavên we hevta bin ligel siyaseta niştimanî a YNK û armancên we xizmetkirina Kurd û Kurdistanê be. 
Kesûkarên serbilind yên şehîdan, pêşmergeyên dêrîn, zindaniyên siyasî û kêmendamên çeperan!
We gellek fedekarî bexşî bi Kurdistanê û YNKya xwe, em dizanin dilsozî û berxwedêriya we YNK gîhand wê astê ku bandora wê li Kurdistanê û Rojhilata Navîn hebe. Ez we dilniya dikim û sozê didim bi we, YNK dê heman ew YNK be ku we ji bo wê berdêl daye û beramber hewl û berxwedêriya we dê wefadar be. Dilniya bin Yekîtiya Niştimaniya Kurdistan emanetê Serok Mam Celal û we ye û wek giyanê xwe emê wê biparêzin. 
Hevalan!    
Ewên YNKyîtiyê di dilê xwe de hilgirtiye û bihêviyê ve berbi siberojekî geştir dimêzînin, bihevre bi yek giyaniyê û yek armancê berbi Kongreya Pêncem... berbi YNKyekî bihêztir û nûger gavê diavejin û dîrokekî birîqîdar û pir ji şanazî ji bo partiya şehîdan dinivsînin. 
                                                                                                                     Şad û serfiraz bin
                                                                                                                     Bira û dilsozê we
                                                                                            Serokê Yekîtiya Niştimaniya Kurdistanê (YNK)
                                                                                                                    Bafil Celal Talebanî
Puknow
MMS