Wezareta Tendirustiya Herêma Kurdistanê, ragihand ku di encama pişkinînan de, 11 tûşbûyên din ên bi vîrusa koronaya nû, COVID-19, hatine destnîşankirin ku 6 zilam, 2 jin û 3 jî zarok in.

Li gor daxuyaniya Wezareta Tendirustiyê, 8 kes ji wan tûşbûyan, li parêzgeha Silêmaniyê hatine tomarkirin ku yek ji wan li navçeya Derbendîxan e.

Her li gor daxuyaniya hatiye belavkirin, 3 zarok li parêzgeha Helebcê tûşî koronayê bûne.

Heta niha li Herêma Kurdistanê, 201 kes tûşî vîrusa koronayê bûne, ji wê hejmarê jî 61 kes baş bûne û 2 kesan jî canê xwe ji dest dane.

Puknow

Metîn Mihemed