Mela Bextiyar ji bo Mesrûr Barzanî: Ev kar, dê bibe despêkeke ne hêja ji bo hikûmet û parlementoyê

  2020-05-04 22:57      184 Car hatiye dîtin        Şîrove
YNK daxwaz dike ku parêzbendiya li ser parlementer Soran Omer neyê rakirin

Endamê Encumena Bilind a Siyasî û Berjewendiyê ya Yekîtiya Niştimaniya Kurdistanê (YNK) Mela Bextiyar, nameyek vekirî pêşkêş bi Serokwezîrê Herêma kurdistanê Mesrûr Barzanî dike.
Teksta nameyê:
Nameyekî vekirî
Ji bo rêzdar Mesrûr Barzanî
Di derbarê “Soran Omer” ê parlementer de
Birêz!
Wiha tê weşandin; qaşo, cenabê we, piştî rakirina destnedanê (parêzbendiyê) li ser rêzdar “Soran Omer” wî bidin dadgehê. Bi min başe, ez bi vê nameya vekirî ku yekemîn nameya mine jî di jiyana xwe de ji bo cenabê wê binivîsînim; daxwaz bikim, tîkaye bila hikûmet û kabîneya we, karê wiha neke, ev kar dê bibe despêkeke ne hêja ji bo serokwezîr û hikûmetê, beramber bi parlemento û parlementeran!
Birêz!
Ji bo min, çi di warê bîrdozî û çi di warê siyasî de birêz Soran, cîhê qebûl nebû ye; lê di encam de ew parlementere û baweriya beşekî dengderan wergirtiye. Eger cenabê we û hikûmet yan her karbidestekî din, rexneyên rêzdar “Soran” bi tomet dizanin, bi temamî mafên we ye li dadgehê giliyê li ser tomar bikin; dadgeh çi biryarê bide, vêca wê demê bila parlemento biryara xwe bide.
Dîsan tîkaya min ewe, dev ji biryara rakirina parêzbendiyê (destnedanê) li ser kake “Soran” berdin; çunkî, ez dilniya me dê karvedanên xerap li ber bikevin.
Birêz, hemû hewlên xwe bixin kar; pirsên miaş û budceyê bên çareserkirin... Şefafî zêdetir hebe... dijayetiya gendeliyê bê kirin, ji Zaxo heta Xaneqînê... dizîna nefta qaçax rawestînin... Ev pêngavên hanê, bersiva herî başe a her rexne yan tometêkê ji bo cenabê we, yan ji bo kabîneya we ku hatiye rojevê.
Hêvîdarim, ez û hemû ewên din ku daxwaz kirine, parêzbendî li ser kake “Soran” neyê rakirin, bê hêvî neke.
Ligel rêz û ez di xema çareserkirina tev pirsgrêkan jî de me.
                                                                                                                                    Mela Bextiyar
                                                                                                                                      04-05-2020
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî