Di rûniştina îro (07-05-2020) a Parlementoya Kurdistanê de bi praniya dengên amadevanan bi 57 dengan, parêzbendî ji  ser parlementar Soran Omer hat rakirin. 

Di proseya dengdanê de ku 58 parlementer amadebûn, bi bê beşdariya fraksiyonên Yekîtiya Niştimaniya Kurdistanê (YNK), Tevgera Goran, Komela Îslamî, Yekgirtiya Îslamî, Neslê Nû û Seroka Parlementoyê bi rê ve çû. 

Bi 57 dengan parêzbendiya parlementeriyê ji ser parlementerê ser bi Komela Îslamî Soran Omer hat rakirin ku Serokatiya Herêma Kurdistanê li dadgehê gilîname li ser tomar kiriye. 

Di dengdana parlementerên amadavan de parêzbendî ji ser parlementer Elî Heme Salih, Şîrîn Emîn û Omed Xoşnav ji ber kêmiya dengan, nehat rakirin;

Ji bo rakirina parêzbendiya ji ser Serokê Fraksiyona Partiya Demokrata Kurdistanê (PDK) Omîd Xoşnav, tenê 3 dengên erê hatin dayîn. 

Ji bo parlementarên ser bi Tevgera Goranê Elî Heme Salih û Şîrîn Emîn jî 4 parlementeran dengê erê ji bo rakirina parêzbendiyê dan.

Êlî Heme Salih

Şîrîn Emîn

Omîd Xoşnaw

Puknow

Metîn Mihemed