Metirsiya vîrusa korona li Herêma Kurdistanê hêj heye

  2020-05-14 19:59      422 Car hatiye dîtin        Şîrove
Di cejnê de rê ji bo geştên nêvbera parêzgehên Kurdistanê û derveyî Kurdistanê, nayê dayîn

Wezîrê Navxwe yê Herêma Kurdistanê Rêber Ehmed, îro (14-05-2020), li Hewlêrê di civînekî rojnamevanî de ragihand ku metirsiya vîrusa koronayê hêj li Herêma Kurdistanê maye; car caran pêketiyên nû tên tomarkirin, ev jî nîşan dide ku hêj vîrusa koronayê hevîna metirsiyê ye. 
Wezîre Navxwe, da zanîn ku vîrusa korona li Herêma Kurdistanê û li derveyî Herêma Kurdistanê, wek yek in; jiber zû wergirtina tedbîrên pêwîst, ziyana giyanî li Herêma Kurdistanê kêm bû ye, lê ziyanake mezin a aborî bi xwe re aniye. 
Wezîrê Navxwe, got: “kes nikare serkevtinê bi ser koronayê de rabigihîne, tenê bi dîtina dermanê wê serkevtin mumkun dibe û divê, em hemû xwe jê biparêzin”.
Wezîrê Navxwe, ji bo raya giştî diyar jî kir ku di rojên Cejna Remezanê de rê bi çi geştekî di nêvbera parêzgehên Herêma Kurdistanê û derveyî Herêma Kurdistanê de nayê dayîn. 
Ev daxuyanî di demekê de ye ku Wezareta Tenduristiyê, duhî (13-05-2020), ragihand; herî dawî li Parêzgeha Silêmaniyê, hemwelatiyekî 50 salî bi vîrusa koronayê ketiye. 
Li Herêma Kurdistanê, bi giştî 391 kes bi vîrusa koronayê ketine; 375 ji wana baş bû ne û 5 kesan jî canên xwe ji dest dane.
Li Herêma Kurdistanê yekem haleta pêketina bi koronayê, roja 1ê Adara 2020ê hatiye tomarkirin. 
Puknow
Metîn Mihemed 

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî