بەهۆی کۆرۆناوە توندوتیژی بەرامبەر بەژنان زیادیکردووە

  2020-07-13 23:17      153 جار بینراوە        کۆمێنت

دوای ئەوەی کەئاژانسی هەواڵی ئەڵمانی بەهۆی رەوشی کۆرۆناوە بەدواداچونێکی سەبارەت بەتوندوتیژی بەرامبەر بەژنان لەناو خانەوادەکاندا کرد حکومەتی ئەڵمانی ژمارە تەلەفۆنێکی هێڵی گەرمی (116 016 08000)ی بۆ ئەو ژنانە تەرخانکرد کەزەرەرمەندبوون و بەهۆی رەوشی کۆرۆناو مانەوە لەماڵەکانیان رووبەڕووی توندوتیژی خێزانەکانیان بوونەتەوە، هێڵەکەش ناوی "هێڵی بەهاناوەچوونی ئەو ژنانەیە کەتووشی توندوتیژی بوونەتەوە"
رۆژنامەی فیلت سەبارەت بەم کەیسە نووسیویەتی: پسپۆڕان هۆشداریان داوە لەزیادبوونی توندوتیژی خێزانی بەهۆی رەوشی کۆرۆناوەو ئاماژەی بەوەشداوە دیاردەکە رووی لەزیادبوون کردووەو نموونەی بەهەرێمی نۆرد ڕاین ڤێستڤاڵن هێناوەتەوەو  لەبەرلینیش دیاردەکە بووەتە جێی نیگەرانی.
بەپێی راپۆرتەکەی ڤیلت لەسەرەتای سەرهەڵدان و بڵاوبوونەوەی پەتای کۆرۆناوە لەهەندێک لەهەرێمەکانی ئەڵمانیا شکات و سکاڵایەکی زۆر تۆمارکراوە.
ئاژانسی هەواڵی ئەڵمانی بەدواداچوونێکی لەسەر ئاستی وەزارەتەکان و دەستەو یەکە ئیدارییەکانی هەرێمە فیدرالیەکان ئەنجامداو دەرکەوتووەو بەپێی زانیارییەکانی وەزارەتی فیدرالی کاروباری خێزان زانایان لەزانکۆی پەرەپێدانی میونشن ئاشکرایانکردووە ژنان لەسەردەمی کەرەنتینەو مانەوە لەماڵەکانیان و بەهۆی نیگەرانی و کێشەی ماددی رووبەڕووی توندوتیژی زۆر بوونەتەوە.
بەپێی ڕاپۆرتێکی پزیشکی دادوەری دیاردەی توندوتیژی بەرامبەر بەژنان لەناو خانەوادەکانی بەرلیندا زۆر زیادیکردووەو بەر لەمانگی حوزەیران رێژەکە بۆ 30٪ بەبەراورد لەگەڵ حوزەیرانی 2019 دا زیادیکردووە. 
بەپێی راپۆرتەکەی ڤیلت کەپشتی بەستووە بەداتاکانی ئاژانی هەواڵی ئەڵمانی و وەزارەتی کاروباری خێزان لەمانگی حوزەیرانی 2020 دا  لەهامبۆرگ لای پۆلیس 2252 حاڵەتی توندوتیژی بەرامبەر بەژنان تۆمارکراوە لەکاتێکدا لەحوزەیرانی ساڵی رابردوودا 1812 هەزارو هەشت سەدو دوازدە حاڵەت تۆمارکراوە، پێشبینیش دەکرێت ئەو ژمارەیە روو لەزیادبوون بکات.
لەهەرێمی مکلینبۆرگ فوربومرن-یش لای پۆلیس ژمارەیەکی زۆر لەڕوداوو تاوانی تایبەت بەتوندوتیژی ناو خانەوادەکان لەمانگی ئادار تا حوزیرانی 2020 تۆمار کراوە لەکاتێکدا کەساڵی پار نیوەی ئەوەش نەبووە. 
لەئاماژەیەکی وەزارەتی ناوخۆی هەرێمی شلیسڤیگ هولشتاین-یشدا ڕەوشی کۆرۆنا بەپێی ڕاپۆرتە جیاجیاکان کاریگەری زۆری لەسەر زیادبوونی توندوتیژی بەرامبەر بەژنان هەبووە.
شیهاب عوسمان- ئەڵمانیا

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو