خولەكانی تەواوكاری و فێركاری ئینگلیزی بەشێوەی ئۆنلاین دەستپێدەكاتەوە

  2020-09-25 18:19      153 جار بینراوە        کۆمێنت

لەسەر راسپاردەی د.ئارام محەمەد قادر وەزیری خوێندنی باڵاو توێژینەوەی زانستی، لیژنەی پێداچونەوە بە مەرج و رێنماییەكانی سەنتەرەكانی زمان، خولەكانی تەواوكاری و فێركاری زمانی ئینگلیزی بە شێوەی ئۆنلاین دەستپێدەكاتەوە.
پاش ئەنجامدانی چەندین كۆبونەوە بەسەرپەرشتی د.محەمەد حسێن سەرۆكی دەزگای سەرپەرشتی و دڵنیایی جۆری و سەرۆكی لیژنەی پێداچونەوە بە مەرج و رێنماییەكانی سەنتەرەكانی زمان، بەمەبەستی دانانی ڕێكاری پێویست بۆ دەستپێكردنەوەی خولەكان بە پاراستنی كوالێتی و رێوشوێنی گونجاو و رەچاوكردنی رێكارە تەندروستیەكان، بڕیاردرا بەدەستپێكردنەوەی خولەكانی تەواوكاری و فێركاری بەشێوەی ئۆنڵاین.
بۆ ئەم مەبەستە رۆژی یەكشەممە 27-9-2020، ناونوسین لە گشت سەنتەرەكانی فێربونی زمانی ئینگلیزی زانكۆكانی كوردستان بۆ هەردو خولەكە دەستپێدەكات، تا رۆژی دوو شەممە 5-10-2020، بەردەوام دەبێت.
دوای پەسەندكردنی ناوەكان لەلایەن وەزارەت و رێكخستنی خشتەی وانەكان، خولەكان لەڕۆژی یەكشەممە 18-10-2020، بە شێوەی ئۆنلاین دەستپێدەكات.
جێگەی ئاماژەیە رونكردنەوەی زیاتر لەبارەی پرۆسەی ناونوسین و رێكارەكان لەلایەن سەنتەرەكانی زمان لە زانكۆكان بڵاودەكرێتەوە.
راگەیاندنی خوێندنی باڵا

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو