جۆرێكی دیكەی كۆرۆنا ڤایرۆسی نوێ بڵاودەبێتەوە

  2020-10-17 12:05      448 جار بینراوە        کۆمێنت

زانكۆی نۆرس كارۆلاینا، لە توێژینەوەیەكی نوێ-دا گەیشتۆتە ئەو ئەنجامەی كە ئەگەری بڵاوبوونەوەی نەوەیەك (نەژادێكی) نوێ-ی كۆرۆنا ڤایرۆس هەیە، ڤایرۆسەكە دەبێتە هۆی نەخۆشی گەدەیی لە بەرازدا و بەشێوەیەكی گشتی ترسناكە لەسەر بەچكەی بەراز و لەناوبردنی، ئەگەریش زۆرە بگوازرێتەوە بۆ مرۆڤ و تووشی نەخۆشی ببێت.
توێژینەوەكە ئەم هەفتەیە لە وەقائیعی ئەكادیمیای نیشتمانی بۆ زانست بڵاوكراوەتەوە، ئاشكرای كردووە كە ڤایرۆسەكە ناسراوە بە نیشانەكانی توندی سكچونی بەراز كە ناوە زانسییەكەی (سادس- كۆڤید).
بەپێی هەواڵێكی رۆژنامەی ئەتلانتا نیوز ناو (AJC)  ڤایرۆسەكە لە توانایدایە 90%ی بەچكەی بەراز لەتەمەنی 5 رۆژەوە لەناوبەرێت.
تائێستا ڤایرۆسەكە لە ئەمەریكا و ئەوروپا نییە، بەڵام بەپێی توێژینەوەكە لە چین لە ساڵی 2016 دەركەتووە بێئەوەی چین ئاشكرای بكات.
بەپێی توێژینەوەكە لە هەمان خێزانی (سارس- كۆڤید2) و كۆڤید-19یە و كە باوەڕوایە هەردووكیان رەگوڕیشەیان بۆ شەمشەمەكوێرە دەگەڕێتەوە.
ساڵی رابردوودا لەگەڵ سەرهەڵدانی كۆڤید-19 گرووپێك لە زانایانی ئیپیدیمالۆژی و مایكرۆبایۆلۆژی و ئیمینالۆژی لە زانكۆی نۆرس كارۆلاینا لە چاپل هێل توێژینەوەیەكیان كرد كە سادس- كۆڤید لە توانایدایە لە مرۆڤەوە بۆ مرۆڤ بگوازێتەوە.
بەپێی توێژینەوەكە (سادس-كۆڤید) كاریگەری گەورەی لەسەر خانەكانی جگەر و گەدەی مرۆڤ هەیە و دەتوانێت لەبەر یەكی هەڵوەشێنێت، وێرای ئەوەی بۆری هەناسەدان دەگرێت.
هەروەها ئەم گرووپە لە زانایان هۆشداریان داوە كە (سادس - كۆڤید) لە كۆڤید-19 زۆر ترسناكترە.
كلین ئیدواردز و راسیل گراهام لە بەشی ئیپیدیمیالۆژی نەتەوە یەكگرتووەكان، دوێنێ 16ی تشرینی یەكەم لە چاوپێكەوتنێكی تەلەفۆنیدا لەگەڵ زە نیوز ئاند ئۆبسێرڤێر رایانگەیاند، لە سەرەتای 2020 تیمێكیان ئەنجامی لێكۆڵینەوەیەكیان بڵاوكردۆتەوە لەسەر ئەم ڤایرۆسە،‌ بەڵام بەهۆی بڵاوبوونەوەی كۆڤید-19 ئەم بابەتە ونبووە.
ئاماژەی بەوەشكردووە، لە ئێستادا ڤایرۆسەكە بوونی نییە، بەڵام بەهۆی بوونی پیشەسازی و بەخێوكردنی بەراز ترسی بڵاوبوونەوەی هەیە، چونكە سەرچاوەكەی وڵاتی چین-ە، وتیشی: ڤایرۆسەكە لەتوانایدایە خۆی بژێنێت لەسەر خانەكانی جگەر و گەدە و رێرەوی گەرووی هەوای مرۆڤ و لەناوبردنی ئەو ئەندامانە.
بەپێی راپۆرتەكە گەورەترین رێگەی گواستنەوەی ڤایرۆسەكە لە مرۆڤەوە بۆ مرۆڤ تاكە رێگەیەكە ئەویش هەر مرۆڤێك لە كێڵگەی بەراز كاربكات و بیگوازێتەوە بۆ كەسێكی تر ئەوا ئەو كەسە دەیگوازێتەوە بۆ زۆر كەسی تر.
ئیدواردز رایگەیاند، چین هەمیشە چاودێری ڤایرۆسەكان دەكات، بەهۆی ئەوەی سەرچاوەی بڵاوبوونەوەی ڤایرۆسەكانە و هەمیشە هۆشداری دراوەتێ، بەڵام ئەم چاودێرییە لای ئەوروپا و ئەمەریكا كەمە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو