كۆرۆنا نەیهێشت نەیمار بگەڕێتەوە یانەی بەرشەلۆنە

  2020-04-17 15:00      209 جار بینراوە        کۆمێنت

بەهۆی ئەو بارو دۆخەی داراییە خراپەی ڤایرۆسی كۆرۆنا بەسەر جیهان بەگشتی و بەشێكی زۆری وڵاتانی ئەوروپیشیدا هێنا، لەئێستا یانەی بەرشەلۆنەی ئیسپانی ناتوانێت نەیمار-ی یاریزانی پاریس سان جێرمان بباتەوە ریزی یانەكەی.
رادیۆی كەتەلۆنیا لەزاری سەرچاوەیەكەوە ئاشكرای كردووە بەهۆی ئەو قەیرانە ئابوورییەی ڤایرۆسی كۆرۆنا دروستی كردووە، كە بەهۆیەوە خولی یانەكانی ئیسپانیاو ئەوروپاشی راگرتووە، یانەی بەرشەلۆنە بڕیاری راگرتنی هەموو هەوڵێكی داوە بۆ گواستنەوەی نەیمار لەم وەرزەدا.
ئەو سەرچاوەیە باسی لەوەشكرد كە كاری لەپێشینەی یانەی بەرشەلۆنە لەئێستادا درێژكردنەوەی گرێبەستەكەی لیۆنێل میسی-یە لەیانەكەداو هەروەها گرێبەستكردنە لەگەڵ هەریەك لەیاریزانان لاوتارو مارتینیز.
وتیشی: لەئێستادا بەرشەلۆنە ناتوانێت 170 ملیۆن یۆرۆ بۆ گواستنەوەی نەیمار بۆ یانەكەی تەرخان بكات.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو