ژنانی دووگیان مەترسی تووشبوونیان بەكۆرۆنا زیاترە

  2020-06-26 17:33      77 جار بینراوە        کۆمێنت

كەرتی تەندروستی ئەمریكا ئاشكرایدەكات، ژنانی دووگیان مەترسی تووشبوونیان بە ڤایرۆسی كۆرۆنا زیاترە، نیشانەی ڤایرۆسەكەشیان تێدا دەردەكەوێت.
ناوەندی كۆنتڕۆڵكردنی نەخۆشییە گوازراوەكانی سەر بە وەزارەتی تەندروستی ئەمریكا بڵاویكردووەتەوە، ڕێژەی چاودێری چڕی پزیشكی و بەكارهێنانی ئامێری هەناسەدانی دەستكرد، بۆ ژنانی دووگیان كە تووشبووی ڤایرۆسی كۆرۆنان زیاترە بەراورد بە ژنان و كچانی تر، دەشڵێت، ژنانی دووگیان مەترسی تووشبوونیان بە كۆرۆنا زیاترە.
ئاماژەی بۆ ئەوەشكردووە، ڕێژەی تووشبوون بە ڤایرۆسی كۆرۆنا لەناو ژنانی دووگیان 10 هەزار حاڵەتی تێپەڕاندووە كە زۆرینەیان تەمەنیان لە نێوان 24 بۆ 34ساڵ بووە، بەڵام ڕێژەی مردن تیایاندا بەرز نییە.
ناوەندی كۆنتڕۆلكردنی نەخۆشییە گوازراوەكانی ئەمریكا ئاشكراشیكردووە، 31% ی ژنانی دووگیانی تووشبووی كۆرۆنا پێویستیان بە چاودێری چڕی پزیشكی هەیە، بەڵام ڕێژەكە لەناو كچان و ئەو ژنانەی دوو گیان نین لە 6% كەمترە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو