سەرۆكایەتی یەكێتی پرسەنامەیەك ئاراستەی خانەوادەی مام ئەحمەد مەمەند ئاوا دەكات

  2020-06-29 16:21      92 جار بینراوە        کۆمێنت

بەبۆنەی كۆچی دوایی پێشمەرگەی دێرین مام ئەحمەد مەمەند ئاوا، سەرۆكایەتی یەكێتیی نیشتمانیی كوردستان پرسەنامەیەك ئاراستەی خانەوادەی كۆچكردوو دەكات.
دەقی پرسەنامەكە...
بەڕێزان خانەوادەی پێشمەرگەی دێرین مام ئەحمەد مەمەند ئاوا 
بەداخ و كەسەرێكی زۆرەوە، هەواڵی كۆچی دوایی پێشمەرگەو تێكۆشەری دێرین، مام ئەحمەد مەمەند ئاوا ناسراو بە ( مام ئەحمەدە خۆڵە) مان پێگەیشت. بۆ ئەو خەمە، پرسەو سەرەخۆشی خۆمانتان پێڕادەگەیەنین و بەشداری خەمتانین. 
مام ئەحمەد مەمەند ئاوا، تێكۆشەرو پێشمەرگەی دێرینی سەرەتاكان و دانەبڕاوی شۆڕشی نوێ بوو. لەساڵی ١٩٧٦ ژیانی پێشمەرگایەتی هەڵبژاردو بەدرێژایی تەمەنی، هەمیشە لەسەنگەری بەرگری و گەلەكەی مایەوەو هەر لەو پێناوەشدا شەهید عەلی كوڕی بەخشی بەنیشتمان. 
لەدەستدانی كەسایەتییەكی نیشتمانپەروەرو تێكۆشەرێكی دێرین داخێكی سەختە، هیوادارین ئەمە دواناخۆشیتان بێت و رۆحی هەڤاڵی كۆچكردووشمان شادبێت. سەرۆكایەتیی یەكێتیی نیشتمانیی كوردستان

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو