چین لەدۆزینەوەی ڤاكسینی دژی كۆرۆنا سەركەوتوو بوو

  2020-06-29 23:46      251 جار بینراوە        کۆمێنت

چین گلۆپی سەوزی بۆ بەكارهێنانی یەكەم ڤاكسین دژی كۆرۆنا هەڵكرد، كە لەلایەن كۆمپانیای"كانسینۆ بایۆلۆجیكس" لەگەڵ یەكەی توێژینەوە سەربازییەكان گەشەی پێدراوەو لەئێستادا تەنها بەكارهێنانەكەی سەربازی دەبێت.
دوای تێپەڕبوونی چەند مانگێك بەسەر بڵاوبوونەوەی ڤایرۆسی كۆرۆنا، چین ڕێگەی داوە بەسوپای وڵاتەكەی بۆ بەكارهێنانی ڤاكسین دژ بەڤایرۆسەكە، ڤاكسینەكە بە ناوی "ئی دی ٥ ئێن كۆڤ" بەرهەمهێنراوە و یەكێكە لەو ٨ ڤاكسینەی كۆمپانیاكانی چین كاریان بۆ بەرهەمهێنانی كردووەو ڤاكسینەكە لەماوەی رابردوودا لەسەر مرۆڤ تاقیكراوەتەوەو تاڕادەیەك كاریگەرو پارێزەر بووە.
كۆمپانیای "كانسینۆ بایۆلۆجیكس" ئاشكرایكردووە، لەلایەن لیژنەی سەربازیی ناوەندەوە رەزامەندی دەربڕدراوە بۆ ئەوەی سوپا لەم مانگەوە تا ماوەی یەك ساڵ ڤاكسینەكە بەكار بهێنێت، هەروەها ئاماژە بۆ ئەوەكراوە كە لەقۆناغی یەكەم و دووەمی تاقیكردنەوەكاندا دەركەوتووە ڤاكسینەكە توانای هەیە ڕێگری لەتووشبوون بەو نەخۆشیانە بكات كە ڤایرۆسی كۆرۆنا دەبێتە هۆكاریان، بەڵام جەختیكردووەتەوە لەوەی بەكارهێنانەكەی تەنها سەربازی دەبێت و ناتوانرێت بازرگانی پێوە بكرێت.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو