رۆژئاوای کوردستان... خوێندن دەکرێتە زمانی کوردی

  2020-07-05 17:45      104 جار بینراوە        کۆمێنت

بڕیارە ساڵی داهاتوو خوێندنی 12ی بنەڕەتی لەناوچەکانی ژێر دەسەڵاتی بەڕێوەبەرایەتیی خۆسەر لەڕۆژئاوای کوردستان بكرێتە زمانی کوردی و ئەمەش یەکەمجارە لەمێژوودا منداڵانی رۆژئاوای کوردستان لەپۆلی یەک تاوەکو 12 بەزمانی کوردی بخوێنن.
  
بەڕێوەبەرایەتیی خۆسەر سێ کۆلێژی کردووەتەوە، لەهەموویان گەورەتر کۆلێژێکە لەهەرێمی جزیرە، کە ئەمساڵ دووەم دەستەی خوێندكاران لێی دەرچوون و ئەو زانکۆیەی جزیرە ئەو خوێندكارانەی وەردەگرت کەبڕوانامەی پۆلی 12یان لەلایەن حکومەتی سوریاوە پێدرابوو، بەڵام ئێستا قوتابیانی پۆلی 12 بەشێوەی خوێندنی بەڕێوەبەرایەتیی خۆسەر ئامادەن.
  
زانکۆی سەرەکیی رۆژئاوای کوردستان لەقامشلۆیە، بەڵام لقی لە رومێلان و حەسەکەش هەیە، کۆلێژەکانی بریتین لە: ئەندازیاریی کشتوکاڵ، هونەرە جوانەکان، ئەدەبیاتی کوردی، ژنناسی، ئەندازیاریی نەوت، ئەندازیاریی پترۆکیمیایی، پەروەردە. هەروەها حەوت بەشیش لەخۆدەگرێت: مێژوو، جوگرافیا، مامۆستای پۆل، بیرکاری، فیزیا، کیمیا، سروشتزانی، هەروەها بەشێکی تازەش بۆ ئەمساڵ کراوەتەوە، کە پەیمانگەی دارایی و کارگێڕییە.
 
هاوسەرۆکی دەستەی پەروەردەی هەرێمی جزیرە ئاماژە بەوە دەکات، تاوەکو ئێستا نەگەیشتوونەتە هیچ ئاستێکی بەرز لەپەیوەندییان لەگەڵ زانکۆکانی دیکەی جیهان.
 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو