راوێژكاری پێشووی سەرۆكی ئەمریكا، رەخنە لە ترەمپ دەگرێت

  2020-07-07 12:02      125 جار بینراوە        کۆمێنت

ترەمپ رۆژانە ئامادەیە چەند سەعاتێك سەیری تەلەڤزیۆن بكات، بەڵام ئامادە نییە گوێ لە راوێژكارەكانی بگرێت.
جۆن بۆڵتن، راوێژكاری پێشووی سەرۆكی ئەمەركا بۆ ئاسایشی نەتەوەیی رۆژی 5ی تەمموز لە چاوپێكەوتنێكدا لەگەڵ فۆكس نیوزی ئەمەریكی بەتوانجەوە قسەی لەسەر دۆناڵد ترەمپ سەرۆكی ئەمریكا كردو وتی: ئەو رۆژانە ئامادەیە چەند سەعاتێك سەیری تەلەڤزیۆن بكات، بەڵام ئامادە نییە گوێ لە راوێژكارەكانی بگرێت.
بۆڵتن ئاماژەی بەوەشكرد، پێموایە ئەگەر ئەو كاتانە تۆمار بكەین كە ترەمپ لە نووسینگەی سەرۆكایەتی بەسەری دەبات و بەراودی بكەین بە بەرامبەر ئەو كاتانەی كە لە چێشتخانە بچووكەكەی كۆشكی سپی بەدیار تەلەڤزیۆنەوە بەسەری دەبات، زۆر كەمترە.
بۆڵتن مانگی حوزەیران لە رێگەی كتێبێكەوە رەخنەی لە ترەمپ گرت لە ژێر ناوی “ئەو ژوورەی زۆر شت تێیدا روویدا”، لەبەرامبەردا ئیدارەی ترەمپ ویستی بە بیانووی ئەوەی كتێبەكە دەبێتە هۆی ئاشكراكردنی نهێنییەكان، رێگری لە بڵاوبوونەوەی كتێبەكە بكات، بەڵام دادگای فیدراڵی رێگەی بە بڵاوبوونەوەی كتێبەكەدا و پێی وابوو هیچ دەقێكی نهێنی لە دووتوێی كتێبەكەدا نییە.
بۆڵتن لە رێگەی گفتوگۆكانییەوە بەرگری لەوە دەكات، كە هیچ پێشێلكارییەك ناكات بەرامبەر ئەو كارانەی كە لەماوەی كاركردنی لە كۆشكی سپیدا كردبێتی، تەنیا قسە لەسەر سیاسەتی دەرەوە دەكات.
جۆن بۆڵتن پارێزەرو سیاسی كۆمارییەكان، پێشتر كاری دیپلۆماتی كردووەو لەلایەن دۆناڵد ترەمپ-ەوە لە 9ی نیسانی 2018 وەك راوێژكاری ئاسایشی نەتەوەیی دەست بەكار بووە و لە 10ی ئەیلوولی 2019 دەستی لەكارەكەی كێشایەوە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو