هەندێك لە بەربەستەكانی ناوبازاڕی سلێمانی هەڵگیران

  2020-07-08 14:03      167 جار بینراوە        کۆمێنت

بەڕێوەبەرایەتیی هاتوچۆی سلێمانی، ئەمڕۆ چوارشەممە 8-7-2020، بڕیاریدا بە ئەنجامدانی ئاسانكاری لە هاتوچۆی ناوبازاڕی شارەكە، بە شێوەیەك لە ئێستادا تەنها شەقامی مەولەوی و بەردەم مزگەوتەی گەورە و بەردەركی سەرا ئۆتۆمبێلی پێدا تێناپەڕێت.
بەڕێوەبەرایەتیی هاتوچۆی سلێمانی رایگەیاند، سنووری قەدەغەی هاتوچۆی ئۆتۆمبێل لە ناوبازاڕی سلێمانی بچووك كراوەتەوە، بەوپێیەی بەربەستە كۆنكرێتییەكانی شەقامی پیرەمێرد لەبەردەم نەخۆشخانەی عەلی كەمال و باخی دایك هێنراونەتە خوار نەخۆشخانەی پیرەمێردی ددان.
هەروەها بەربەستەكانی بەردەم نەخۆشخانەی شیرەكە (مەڵبەندی تەندروستیی ئیبراهیم پاشا) هێنراونەتە بەردەم گۆڕەپانی پاسەكانی تویمەلیك، لێكەوتەكانی ئەم رێكارانەش، ئاوەڵابوونی شەقامەكانە بەسەر پاسی ئەو هێڵانەی لە شەقامەكانی پیرەمێردو سابونكەرانەوە دەچنە ناوبازاڕ.
ئەوەش خراوەتەڕوو، لە ئێستادا تەنها شەقامی مەولەوی، بەردەم مزگەوتی گەورە و بەردەركی سەرا بەسەر ئۆتۆمبێلەكاندا نەكراونەتەوە.
لە ماوەی ڕابردوودا، بەهۆی بەرزبوونەوەی لەپڕی ئاستی تووشبوون بە پەتای ڤایرۆسی كۆرۆنای نوێ، شاڕێكانی ناوبازاڕی سلێمانی گیران و هاتوچۆی ئۆتۆمبێل لە سەنتەری شارەكە قەدەغە كرا.
بەپێی ئامارە فەرمییەكانیش، لە كۆی 4995 تووشبووی كۆرۆنای هەرێمی كوردستان كە لە ئێستادا لەژێر چارەسەردان، چوار هەزار و 140حاڵەتی لە سنووری پارێزگای سلێمانین، هەروەها لە كۆی گشتیی 271 حاڵەتی مردنی هەرێمیش، 229 مردوویان لە سلێمانین.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو