توركیا ئایاسۆفیا لەمۆزەخانەوە دەكاتەوە بەمزگەوت

  2020-07-10 16:56      104 جار بینراوە        کۆمێنت
ئایاسۆفیا

دادگای باڵای توركیا چارەنووسی مۆزەخانەی ئایاسۆفیای لەئیستانبۆڵ یەكلایی كردەوەو بڕیاری گۆڕینی لەمزگەوتەوە بۆ مۆزەخانەی هەڵوەشاندەوە.
ئەمڕۆ دادگای باڵای توركیا چارەنووسی مۆزەخانەی ئایا سۆفیای یەكلایكردەوەو ئەو بڕیارەی ساڵی 1934 ی هەڵوەشاندەوە كە ئایاسۆفیا لەمزگەوتەوە كرابوو بەمۆزەخانە.
پێشتریش ڕێكخراوی یونسكۆ داوای لەدەسەڵاتدارانی توركیا كردبوو كە بەو بڕیارەیدا بچێتەوەو جارێكی دیكە ئایاسۆفیا لەمۆزەخانەوە نەكرێتەوە بەمزگەوت.
ئەمە لەكاتێكدا كە ڕۆژنامەی "حوڕییەت"ی توركیا بڵاویكردبۆوە لە ماوەی ڕابردوودا پارتی داد و گەشەپێدانی توركیا بە سەرۆكایەتی ڕەجەب تەیب ئەردۆگان سەرۆك كۆماری ئەو وڵاتە، هەوڵێكی فراوانیان بۆ دووبارە گۆڕینی ئایا سۆفیا بۆ مزگەوت دەستپێكردووە.
مۆزەخانەی ئایاسۆفیا یەكێكە لەدیارترین شوێنە گەشتیارییەكانی ئیستانبۆڵ و ساڵانە گەشتیارێكی زۆر وەك مۆزەخانەیەك سەردانی دەكەن.

لەلایەکی دیکەوە ئیبراهیم کاڵن وتەبێژی حکومەتی تورکیا رایگەیاندبوو گەشتیاران دڵنیادەکەینەوە لەوەی کە کردنەوەی ئایاسۆفیا بۆ خواپەرستی هیچ لەناسنامەی ئەو شوێنە کەمناکاتەوە وەک شوێنێکی مێژووی جیهانی و خەڵكێکی زیاتریش دەتوانن سەردانی بکەن.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو