تەرمی سێ پێشمەرگەی شەهید لە حەویجە دۆزرانه‌وه
2018-09-13 09:56 1927 جار بینراوە کۆمێنت
ناسنامه‌ی شه‌هیده‌كان
چوار تەرم لە قەزای حەویجەی سەر بە پارێزگای کەرکووک دۆزرانەوە، بەپێی ناسنامەکانیان سێ تەرمیان پێشمەرگەن و لە جه‌نگی دژی داعش شەهیدبوون.
سەرچاوەیەک لە حەشدی شەعبی لە حەویجە رایگەیاند، هێزەکانیان چوار تەرمیان دۆزیونەتەوە، کە لەگەڵیاندا سێ ناسنامەی هێزەکانی پێشمەرگە هەیە، ئەوەی تر هاوڵاتییه‌كی مه‌ده‌نی خەڵکی پارێزگای زیقارە .
سەرچاوەکە روونیکردەوە، ئەو چوار تەرمە لە پشت گەڕەکی پیشەسازی قەزای حەویجە دۆزراونەتەوە، ئێستا هێزەکانی حەشدی شەعبی بەدوای کەسوکاری ئەو ناسنامانە دەگەڕێن.
بەپێی زانیارییەکان، سێ لەو تەرمانە پێشمەرگەن و لەجه‌نگی دژی داعش لە ساڵی 2014 شەهیدبوون و تەرمەکانیان کەوتووتەنە دەست داعش، بە ناوەکانی "زیاد حەوێز رەشید، هۆشەنگ عەبدولڕەحمان شاهین، رەجەب حەسەن شاهین.
بابەتی زیاتر