ریاڵ مەدرید هەنگاوێكی‌ دیكە لەبردنەوەی‌ نازناوی لالیگا نزیك دەبێتەوە

  2020-07-11 12:42      157 جار بینراوە        کۆمێنت

یانەی‌ ڕیاڵ مەدرید پاش بردنەوەی‌ لەدیپۆرتیڤۆ ئالاڤێس بەدوو گۆڵی‌ بێ وەڵام هەنگاوێكی‌ دیكە لەبردنەوەی‌ نازناوی لالیگا  نزیك بووەوە.
لە یارییەكانی‌ هەفتەی‌ 35خولی‌ ئیسپانیا یانەی‌ ڕیاڵ مەدرید میوانداری‌ یانەی‌ دیپۆرتیڤۆ ئالاڤێسی‌كرد، لەتایمی‌ یەكەمدا ولەخولەكی‌ 11بنزیمە بە لێدانی‌ سزا گۆڵی‌ یەكەمی‌ ڕیاڵ مەدریدی‌ تۆماركرد وتایمی‌ یەكەم بەو گۆڵە كۆتایی هات، هەروەها لەتایمی‌ دووەمدا ولەخولەكی‌ 50ماركۆ ئەسینسیۆ گۆڵی‌ دووەمی‌ بۆ یانەی‌ شاهانە تۆماركرد و یارییەكەش هەر بەو ئەنجامە كۆتاییهات .
دوا بەدوای یارییەكەش زەینەدین زیدانی ڕاهێنەری ڕیاڵ مەدرید لەكۆنفرانسێكی ڕۆژنامەنوسیدا دڵخۆشی خۆی بە بردنەوەكەیان دەربڕی، كە پێنج یارییە لەسەریەك گۆڵیان لێ تۆمارنەكراوە، وتیشی:نەهێشتن بۆ ئەوەی گۆڵت لێ تۆمارنەكرێت هەردەم كارێكی قورسە، بەڵام ئەوە ڕاستە ئێمە گۆڵەكەمان بە خاوێنی هێشتووەتەوە و دەشبێت لەسەر ئەمە بەردەوامبین.
لە بارەی پێكانەكەی كەریم بنزیمە-شەوە وتی، هێرشبەرەكەی توشی بەركەوتن بووە و هەستی بە هیلاكی كردووە، بەڵام باشە.
لە بارەی نزیكبوونەوە لە نازناوەكە، زیدان ئاشكرایكرد، ئەوان هەوڵ دەدەن، بەڵام هێشتا سێ یارییان لەبەردەمدا ماوە و نازانێت دواتر چی ڕوودەدات.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو