وەزیری تەندروستی ئەڵمانیا: ئەگەر پابەندی ڕێنماییەكان نەبن كۆرۆنا مەترسیدارتر بڵاودەبێتەوە

  2020-07-14 15:19      76 جار بینراوە        کۆمێنت
وەزیری تەندروستی ئەڵمانیا

بەپێی دوا زانیارییەكانی پەیمانگەی"ڕۆبەرت كوخ"ی ئەڵمانی دەسەڵاتدارێتی دەزگا تەندروستییەكانی ئەڵمانیا دووشەممەی دوێنێ 13ی حوزەیران 159حاڵەتی تووشبووی كۆرۆنای تریان ڕاگەیاند بەوەش ژمارەی توشبوان لەو وڵاتەدا تا دووشەممەی دوێنێ گەیشتە 198 هەزارو نۆ سەدو شەست و سێ كەس، ئەو ژمارەیەش لەڕۆژێكدا زەنگێكی خەتەرناك بوو دوای ئەوەی كە ڕێژەی تووشبوون لەدابەزیندا بوو، بەپێی داتاكانی پەیمانگەی ڕوبەرت كوخ تائێستا 9 هەزارو شەست و چوار كەس گیانیان لەدەستداوەو 185 هەزارو هەشتاو پێنج كەسیش چاكبوونەتەوە.
وەزیری تەندروستی فیدرالی"یەنس سبانو لوتار ویلیر"ی سەرۆكی پەیمانگەی ڕوبەرت كوخ هۆشداریاندا لەكەمتەرخەمی ڕووبەڕوبوونەوەی كۆرۆنا، وەزیری تەندروستی رایگەیاند هێشتا كۆرۆنا لەنیوەیدایەو وتیشی: شەپۆلی دووەمی مەترسیدار دەبێت و ئەمەشی لەبەردەم كەرتی گەشتوگوزاریدا بەبۆنەی دەستپێكردنی پشوی هاوینەوە ڕاگەیاندو نیگەرانیشی دەربڕی كە گەشتیارانی ئەڵمانیا لەئیسپانیا ڕەچاوی ڕێنمایی و ڕەوشەكەیان نەكردووە.
 لای خۆشیەوە سەرۆكی پەیمانگەی "ڕوبەرت كوخ"جەختیكردەوە لەوەی كە هاوڵاتیان دەبێت پابەندی ڕێنماییەكان بن ماسك بپۆشن و ماوەی نێوانیان دوربێت و تێكەڵی قەرەباڵغی نەبن..!! دەنا كارەسات دووبارە دەبێتەوەو هۆشداری توندیشیدا لەئەگەری شەپۆلی دووەم و بەمەترسیدار ناویبرد.
بەپێی ئەو زانیاریانەی كە ڕۆژنامەی"بیلد"بڵاویكردۆتەوە بەهۆی كۆرۆناو تەرخانكردنی زۆری نەخۆشخانەكان بۆ چارەسەری كۆرۆنا زیاتر لە 50 هەزار نەشتەرگەری نەخۆشیەكانی شێرپەنجە لەو وڵاتەدا دواخراون.
شیهاب عوسمان- ئەڵمانیا:
س:ڤیڵت، بیڵد

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو