ڤێتێرنەری سلێمانی: ئاژەڵەكانتان لە كوشتارگەكان سەربڕن

  2020-08-01 17:25      76 جار بینراوە        کۆمێنت

نوێنەری ڤێتێرنەری لە لیژنە هاوبەشەكانی قائیمقامیەتی سلێمانی رایگەیاند، ‌‌لە یەكەم رۆژی جەژنی قوربانی پیرۆزدا لە كوشتارگەی سلێمانی،‌ بڕێكی زۆر گۆشتی ئاژەڵ لە پشكنین دەرنەچووە‌ و داوا لە قوربانیكاران دەكات ئاژەڵەكانیان لە كوشتارگەكان سەربڕن.
دەروێش فەرەج نوێنەری ڤێتێرنەری لە لیژنە هاوبەشەكانی قائیمقامیەتی سلێمانی ئاشكرایكرد، بۆ سەربڕینی ئەو ئاژەڵانەی لەلایەن هاووڵاتیانەوە دەكرێت بە‌ قوربانی، لە رۆژانی جەژندا كوشتارگەكانی سلێمانی كراوە دەبن‌و لە یەكەم رۆژی جەژنیشدا پاش پشكنین دەركەوتووە كە زیاتر لە 800 كیلۆگرام گۆشتی ئاژەڵی سەربڕدراو شیاوی خواردن نیە، وتیشی: ئەگەر ئەو ئاژەڵانە لەسەر شەقام و كۆڵان و گەڕەكەكاندا سەرببڕدرانایە بەناوی (خێر) بەسەر هاووڵاتیاندا دابەش دەكرا.
سەبارەت بە گۆشتی ئەو ئاژەڵانەی لە دەرەوەی كوشتارگەكان سەردەبڕێت وتی: لەبەرئەوەی پشكنینیان بۆ نەكراوە نازانرێت هەڵگری نەخۆشیە یان نا، یان گۆشتەكەی شیاوی خواردنە یان شیاونیە، هەر لەبەرئەوە لەلایەن لیژنە هاوبەشەكانی قائیمقامیەت‌ بەهاوكاری بەڕێوەبەرایەتی ئاسایش و لیوای یەكی پاراستنی سلێمانی‌ رێگری لە سەربڕین و فرۆشتنیان دەكرێت.
نوێنەری ڤێتێرنەری لە لیژنە هاوبەشەكانی داواشی لە هاووڵاتیان كرد، ئاژەڵەكانیان لە كوشتارگەكانی سلێمانی سەربڕن، تا تەندروستی خۆتان و ئەو كەسانەی گۆشتی قوربانیان بۆ دەنێرن پارێزراوبێت‌و بەهۆی گۆشتی ئاژەڵی نەخۆشەوە، مەترسی لەسەر تەندروستی و ژیانتان دروست نەبێت.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو