جەلیل گادانی كۆچی دوایی كرد

  2020-08-06 11:53      249 جار بینراوە        کۆمێنت

ئەمڕۆ جەلیل گادانی، سیاسەتمەدار و شۆڕشگێڕی ناوداری كورد دوای حەوت دەیە تێكۆشان بەهۆی نەخۆشی كۆرۆناوە كۆچی دوایی كرد.
لەراگەیەندراوێكدا سكرتاریای حزبی دیموكراتی كوردستان بڵاویكردەوە، بە داخ و كەسەرێكی زۆرەوە ڕادەگەیەنین كە ئەمڕۆ پێنجشەممە6-8-2020 جەلیل گادانی، سیاسەتمەدار، كەسایەتیی دیاری سیاسیی كورد و تێكۆشەری دێرینی حیزبی دێموكراتی كوردستان و بزووتنەوەی سیاسیی كورد، پاش حەوت دەیە تێكۆشانی سیاسی لە پێناو ڕزگاریی نەتەوەكەیدا، كۆچی دوایی كرد.
لە ڕاگەیەندراوەكەدا ئەوەش هاتووە، جەلیل گادانی ماوەی هەفتەیەك بوو بۆ چارەسەری نەخۆشیی كۆرۆنا لە یەكێك لە نەخۆشخانەكانی هەرێمی كوردستان لەژێر چاودێریی پزیشكیدا بوو، بەداخەوە ئەمڕۆ چووە ڕیزی كاروانی نەمرانەوە.
جەلیل گادانی ساڵی 1934 لە شاری مەهاباد لە دایكبووە، ساڵی 1948بووەتە ئەندامی حزبی دیموكراتی كوردستان و دواتر لە سەردەمی حەمە رەزا شای پەهەلەویدا لەسەر چالاكی سیاسی 13ساڵ زیندانی كراوە، لە ساڵی 1944دا بۆ یەكەمجار  یەكەمین قوتابخانەی نھێنیی شەوانە لە ماڵی ناوبراودا دروستبووە و بە كالۆریۆسی لە زمانی فەرەنسی لە زانكۆی تاران وەرگرتووە و ساڵی 1948بووەتە ئەندامی حیزبی دیموكراتی كوردستان، ژمارەیەكی زۆر بەرپرسیارێتی جیاوازی لەو حزبە وەرگرتووە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو