زینەدین زیدان: دەزانم باروودۆخمان باش نییە

  2020-08-07 14:34      168 جار بینراوە        کۆمێنت

زینەدین زیدانی راهێنەری یانەی ریال مەدریدی ئیسپانی، لە كۆنگرەی رۆژنامەوانی پێش یارییەكەی ئەمشەویان بەرامبەر بە یانەی مانچێستەر سیتی باسی لە دۆخی تیپەكەی كرد و چەند سەرنجێكیشی لەسەر یاریزانەكانی دا.
زیزۆ بەوە دەستیپێكرد، دەزانم دۆخمان باش نییە و لە یاریی رابردوودا چی روویدا، بەڵام تیپەكە ئێستا لە حاڵەتێكی دەروونی زۆر باشدایە و خۆمان بۆ ئەم یارییە ئامادەكردووە، دەزانم كە دەبێت یارییەكی زۆر باش بكەین، بۆ ئەوەی بگەینە قۆناخی داهاتوو.
سەبارەت بە هازارد وەڵامی رۆژنامەوانانی دایەوەو وتی: بەر لە كۆتاییهاتنی لالیگا هازارد هەستی بە بێزاریی دەكرد، بەڵام ئێستا ئەو باشترە و بەرەو باشتریش دەچێت، متمانەم بەو هەیە، ئەو كاتێك تووشی پێكان بوو ئێمە سێ رۆژ جارێك یارییەكمان دەكرد.
زیدان زیاتر باسی یارییەكەی كردو رایگەیاند، دەبینن كە سبەی چۆن یاری دەكەین، ئەوەی گرنگیشە ئەوەیە كە هەمووان باشن، 10 رۆژی زۆر باشمان لەبەردەستدا بوو بۆ خۆئامادەكردن بۆ یارییەكە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو