بەندەری بەیرووت لە كۆنترۆڵی حیزبوڵڵادایە

  2020-08-07 14:38      127 جار بینراوە        کۆمێنت

كەناڵی فۆكسنیوزی ئەمریكی دەڵێت، چەندین سەرچاوە باس لەوە دەكەن كە زۆرینەی بەندەرەكە بەشێوەیەكی "رانەگەیێندراو" لەژێر كۆنترۆڵی حیزبوڵڵادایە.
سەرچاوەیەكی هەواڵگری بە میدیا ئەمریكییەكەی راگەیاندووە، ئەگەرێك هەیە كە یاریی ئاگرین، بەنزین و چەك پێكەوە لە كۆگایەكدا هەڵگیرابن، تەقینەوەكەش لە كۆگایەكی یاریی ئاگرین و بەنزین روویداوە.
رودۆڵف عەتاڵڵا كە بەرپرسێكی سەربازیی هێزی ئاسمانیی خانەنشینكراوی لوبنانە، رایگەیاند، خەڵك بینیویانە كە ئەو خواردن و هاوكارییە مرۆییانەی كە بۆ ڤایرۆسی كۆرۆنا هاتوون لە بازاڕی رەشدا لەلایەن حیزبوڵڵاوە فرۆشراون یان براون بۆ سووریا، چونكە حیزبوڵڵا لەوێ بەرژەوەندیی هەیە.
ئەو بەرپرسە سەربازییە باسی لەوەش كردووە، لەدوای تەقینەوەكە داوا لە خەڵك كراوە لە ماڵەكانیان بمێننەوەو دەشڵێت: حیزبوڵڵا خۆپێشاندانی ناوێت و نایەوێت لوبنانییەكان لەدژیان قسە بكەن و ناڕەزایی دەربڕن.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو