وه‌زاره‌تی خوێندنی باڵا كارنامه‌ی ساڵی نوێی خوێندن ئاشكرادەكات

  2020-08-08 19:56      191 جار بینراوە        کۆمێنت

وته‌بێژی وه‌زاره‌تی خوێندنی باڵا و تویژینه‌وه‌ی زانستی رایدەگەیەنێت: وه‌زاره‌ته‌كه‌یان باشترین بژاردە بۆ کارنامەی ساڵی خوێندنی (2020-2021) جێبەجێ دەکات.
له‌راگه‌یه‌ندراوه‌كه‌دا عه‌باس ئه‌كره‌م، ئاماژەی بەوەكردووە، بە لەبەرچاوگرتنی رەوشی تەندروستی هەرێمی کوردستان بەهۆی بڵاوبونەوەی پەتای کۆڤید - 19 و بەمەبەستی دیراسەکردن، خۆ ئامادەکردن و داڕشتنی پلان و ئەگەرەکان، وەزارەتی خوێندنی باڵا و توێژینەوەی زانستی لیژنەیەکی باڵای لەسەرۆك زانکۆ حکومی و تایبەتەکان بۆ چۆنیەتی دەوامی ساڵی خوێندنی (2020-2021) لە زانکۆکانی هەرێمی کوردستان بە رەچاوکردنی ستانداردە جیهانییەکان پێکهێناوە.
باسیلەوەشكردووە،یەکێك لەپێشنیازەکانی لیژنەکە کە هێشتا نەبووه‌تە بڕیار، پێشنیازکراوە خوێندنی زانکۆ و پەیمانگەکان بەشێوەی ئەلیکترۆنی لە 1ی 9 وە دەست پێبکات، بۆ ئەم مەبەستە دواتر وەزارەت باشترین بژاردە بۆ کارنامەی ساڵی خوێندنی (2020-2021) جێبەجێ دەکات و لەشێوەی رێنمایی بۆ سەرجەم خوێندکاران و قوتابیان بڵاوی دەکاتەوە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو