زەوی لە وەبەرهێنەران وەردەگیرێتەوە كە لەكاتی خۆیدا پرۆژەكانيان تەواو نەكردووە

  2020-08-12 10:55      123 جار بینراوە        کۆمێنت

بەڕێوەبەرایەتی گشتی شارەوانیەكانی سلێمانی رایگەیاند، زەوی لەسەرجەم ئەو وەبەرهێنەرانە وەردەگیرێتەوە كە بە گریبەستی بانەوانی (مساتەحە) وەریانگرتووە و لەكاتی خۆیدا دەستیان بەجێبەجێكردنی پرۆژەكان نەكردووە.
بەگوێرەی نوسراوێكی فەرمی بەڕێوەبەرایەتی گشتی شارەوانیەكانی سلێمانی كە ئاڕاستەی سەرجەم شارەوانیەكان كراوە، تیایدا هاتووە بڕیاردراوە بە هەڵوەشاندنەوەی تەرخانكردنی زەوی بۆ ئەو پرۆژانەی كە بەگرێبەستی بانەوانی (مساتەحە) دراون، بەڵام لەماوەی یاساییدا دەست بەجێبەجێكردنی پرۆژەكان نەكراوە.
لەنوسراوەكەدا ئەوەش خراوەتەڕوو، بڕیاردراوە بەهەماهەنگی لەگەڵ فەرمانگەكانی دەستەی وەبەرهێنان بە هەڵوەشاندنەوەی تەرخانكردنی زەوی بۆ ئەو پرۆژانە كە مۆڵەتی وەبەرهێنانیان پێدراوە بەڵام دەستیان بەجێبەجێكردنی پرۆژەكان نەكردووە.
ئەوەش لەكاتێكدایە، ژمارەیەك پرۆژە لە هەرێمی كوردستان تەنها بەردی بناغەیان دانراوە و مۆڵەتی جێبەجێكردنیان وەرگرتوە، بەڵام كارەكانیان دەستپێنەكردووە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو