ریاڵ مەدرید راهێنەرەكەی دوورخستەوە

  2018-10-30 11:33      208 جار بینراوە        کۆمێنت
جولیان لۆپتیگی

پاش دوورخستنەوەی لۆپتیگی، یانەی ریاڵ مەدرید بڕیاریدا بەشێوەیەكی كاتی سانتیاگۆ سۆلاری بكاتە راهێنەری یانەكە.
پاش 24 كاتژمێر لەشكستە سەختەكەی یانەی ریاڵ مەدرید لە كلاسیكۆ، كەبە 5 گۆڵ بەرامبەر بە گۆڵێك بەیانەی بەرشەلۆنە دۆڕا، بەشێوەیەكی فەرمی راهێنەری ئیسپانی جولیان لۆپتیگی لەپۆستەكەی دوورخرایەوە.
لۆپتیگی یەكەمین راهێنەرە لە مێژووی ریاڵ مەدرید كە دوای 11 هەفتە لەپۆستەكەی دووربخرێتەوە، لەكاتێدا تەنیا 14 یاری لەگەڵ ریاڵ مەدرید ئەنجامداوەو 6 یاری سەركەوتنی بەدەست هێناوە.  
جولیان لۆپتیگی دڵتەنگە بەوەی لەپۆستیەكەی دوورخراوەتەوەو هیوای دەخواست تا كۆتایی وەرز لەپۆستەكەی بمێنێتەوە.
لەمبارەیەوە ریاڵ بڕیاریداوە بەشێوەیەكی كاتی سانتیاگۆ سۆلاری یاریزانی پێشووی یانەكە و راهێنەری ئێستای تیپی دووەمی یانەكە، بكاتە راهێنەری تیپی یەكەم لە شوێنی لۆپیتیگێ.

ئامادەكرنی: شێنێ عەبدوڵڵا

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو