تەندروستی سلێمانی، هۆشداری لەبارەی شەپۆلێكی نوێی كۆرۆناوە دەدات

  2020-08-27 13:59      237 جار بینراوە        کۆمێنت

بەرێوەبەری تەندروستی سلێمانی رایدەگەیەنێت، شەپۆلێكی دیكەی ڤایرۆسی كۆرۆنا لە سلێمانی و لە دەوروبەری رووی لە زیادبوون كردووە و ئێستا نەخۆشخانەكانی سلێمانی ژمارەیەكی زۆر لە نەخۆشی تێدایە.
دكتۆر سەباح هەورامی بەرێوەبەری گشتی تەندروستی سلێمانی لە كۆنگرەیەكی رۆژنامەوانیدا رایگەیاند، بەهۆی جەژنی قوربانەوە تێكەڵاویەكی كۆمەڵایەتی دروست بوو و وایكرد شەپۆلێكی دیكەی كۆرۆنا لە سلێمانی و لە دەوروبەری روو لە زیاد بوون بكات.
ئاماژەی بەوەشكرد، ئێستا نەخۆشخانەكانی سلێمانی ژمارەیەكی زۆر نەخۆشی تێدایە، بەشێك لە نەخۆشەكان هی دەرەوەی شارن و بەشێكی دیكەشیان‌ نەخۆشی ناو شاری سلێمانین.
باسی لەوەشكرد، بەهۆی ئەو شەپۆلە نوێیەوە كە ئێستا هاتووە‌ نەخۆشخانەكان خەریكە پڕ دەبن لە نەخۆش، ناوشاری سلێمانی كەمێك ئارامترە، بەڵام دەرەوەی شاری سلێمانی ژمارەكەی زۆر زۆر زیاترە.
لەبارەی ساڵی نوێی خوێندنیشەوە وتی: ئێمە تا ئێستا نازانین بارودۆخی تەندروستی لە داهاتوودا چی لێ دێت، ئەگەر ڤاكسین و چارەسەر هات ئەوە دەستپێكردنەوەی خوێندن ئاسایی دەبێت.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو