ناسا سەركەوتنی لەنیشتنەوەی كەشتییەكی لەسەر مەریخ رایگەیاند

  2018-11-27 10:27      233 جار بینراوە        کۆمێنت
ستافی ناسا دڵخۆشی خۆیان بەگەیشتنی كەشتییەكە دەردەبڕن

ئاژانسی ناسا سەركەوتنی لەگەیشتن و نیشتنەوەی كەشتی ئاسمانی ئینسایت لەسەر هەسارەی مەریخ راگەیاند.
ئاژانسی ناسا رایگەیاند شەش مانگ بەر لە ئێستا ناسا ئەو كەشتییەی لە ویلایەتی كالیفۆرنیاوە رەوانەی مەریخ كردوەو دوای بڕینی 548 ملیۆن كم، سەعات 10:54 خولەكی شەوی رابردوو، بەسەركەوتوویی لەسەر هەسارە سوورەكە (مەریخ) نیشتەوە.
ئاماژەی بەوەشكردووە كە ناردی ئەو كەشتییە بۆ سەر مەریخ بەمەبەستی ئاشكراكردنی ناخی هەسارەكەو لێكۆڵینەوەیە لەبارەی پێكهاتەكانییەوە.
كەشتییەكە بەرگەی هەموو باردودۆخێكی سەر رووی هەسارەكە دەگرێت و دوای سەركەوتنی ئەو گەشتەشی، ناسا بیر لەبیرۆكەی دیكە دەكاتەوە بۆ لێكۆڵینەوەی زیاتر لەهەسارەكە.
كەشتییەكە بەخێرایی 19 هەزارو 795كم لەسەعاتێكدا بەرگە هەوای مەریخی بڕیووە و بۆ گەیشتنی بەڕووی هەسارەكەش پێویستی بە 7 خولەك بووە بۆ بڕینی بەرگە هەواو گەیشتنی بەڕووی هەسارەی مەریخ.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو