بایرن پشكنینی كۆرۆنا بۆ هاندەرانی ئەنجام دەدات

  2020-09-15 16:58      115 جار بینراوە        کۆمێنت

بایرن رۆژی 21 و22ی ئەم مانگەی دیاریكردووە، بۆ ئەوەی پشكنینی ڤایرۆسی كۆرۆنا لە یاریگەی ئالیانز ئارێنا، بۆ ئەو هاندەرانە ئەنجامبدات كە دەیانەوێت بۆ بینینی یارییەكەی نێوان بایرن میونیخ و سێڤیلیە گەشتبكەن كە بڕیارە 24ی ئەم مانگە بەڕێوە بچێت.
یانەی بایرن میونیخ لە بەیاننامەیەكی فەرمیدا رایگەیاند، پشكنینەكانی تایبەت بە ڤایرۆسی كۆرۆنا بەشێوەیەكی بێبەرامبەر بۆ هاندەرانی ئەنجامدەدات، بۆ ئەوەی بتوانن بچنە بودابێست و لە یاریگەكەدا بۆ هاندانی یانەكە ئامادەبن.
باڤارییەكان لەكاتێكدا ئەم ئاسانكارییە بۆ هاندەرانیان دەكەن، بۆ ئەوەی كە چوونە نێو یاریگە تەنیا پشكنینی پلەی گەرمایان بۆ بكرێت و پشكنینی تایبەت بە كۆرۆنایان پێبێت.
یاریی جامی سوپەری ئەوروپا، دەبێتە یەكەم یاریی كیشوەری هاندەران تێیدا ئامادەبن، دوای 6 مانگ لە دووركەوتنەوەی هاندەران لە یاریگەكان بەهۆی ڤایرۆسی كۆرۆناوە.
 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو