لەبەڕیتانیا رێكاری نوێ بۆ بەرەنگاربوونەوەی كۆرۆنا دەگیرێتەبەر

  2020-09-25 15:58      159 جار بینراوە        کۆمێنت

لە چوارچێوەی رێوشوێنە نوێكانی بەڕیتانیا بۆ بەرەنگاربوونەوەی ڤایرۆسی كۆرۆنا باڕ و چێشتخانەكان لە كاتژمێر 10ی شەوەوە دادەخرێن.
بۆریس جۆنسۆن سەرۆك وەزیرانی بەڕیتانیا، بەهۆی ئەوەی بڵاوبوونەوەی ڤایرۆسی كۆرۆنای نوێ (COVID-19) لە وڵاتەكەیدا گەیشتوەتە ئاستێكی مەترسیدار، بڕیاری گرتنەبەری چەند رێوشوێنێكی دا، لەو چوارچێوەیەشدا باڕ و چێشتخانەكان لە كاتژمێر 10ی شەودا دادەخرێن و، پێش هاتنی كاتژمێر 10چێشتخانە و باڕەكان میوانەكانیان لە كۆتاییهاتنی كاتی كاركردن ئاگادار دەكەنەوە و گارسۆنەكانیش دەست بە كۆكردنەوەی كورسی و مێزەكان دەكەن.
هەر لە چوارچێوەی رێوشوێنە نوێكانی بەڕیتانیا-دا بەكارهێنانی دەمامك لە شوێنە گشتییەكاندا كراوەتە زۆرەملێ و، هەروەها ژمارەی بەشداربووانی بۆنە و رێوڕەسمەكان لە 30كەسەوە بۆ 15كەس كەمكراوەتەوە.
بڕیاریشە ئەم رێوشوێنانە بۆ ماوەی شەش مانگ بەردەوام بن و هەر خاوەن كارێك پابەندنەبێت بە بڕی 10هەزار پاوەند سزا دەدرێت.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو