بەهۆی لێدوانەکانی ئەردۆغانەوە، فەرەنسا باڵیۆزی خۆی لەتورکیا بانگ دەکات

  2020-10-24 22:05      150 جار بینراوە        کۆمێنت

ئەمڕۆ شەممە 24 ی تەشرینی یەکەم، فەرەنسا بڕیاریدا باڵیۆزی خۆی لەتورکیا بانگ بکات، ئەوەش پاش لێدوانەکانی رەجەب تەیب ئەردۆغان سەرۆکی تورکیا کە تێیدا رەخنەی توندی لە ئیمانۆیڵ ماکرۆن سەرۆکی فەرەنسا گرتبوو.
ئەمڕۆ، ئەردۆغان، سەرلەنوێ هێرشیکردەسەر ماکرۆن و فەرەنسای بەوە تۆمەتبارکرد کە " لەپشت هەموو ئەو کارەسات و داگیرکارییەوەیە کە لە ئازەربایجان دەگوزەرێت".
ئەردۆغان لەمیانەی وتەکانیدا پرسیاری ئەوەی کرد " کێشەی ماکرۆن لەگەڵ ئیسلامدا چییە؟.. ماکرۆن پێویستی بەچارەسەری ئەقڵی هەیە".
ئەردۆغان رایگەیاند کە سیاسەتەکانی ئەوروپا لەدژی ئاینی ئیسلامی ناڕوونن، وتیشی: هەڵکوتانەسەر مزگەوتێک لەبەرلین لەلایەن پۆلیسی ئەڵمانیاوە، بەڵگەیە لەسەر هەنگاونانی فاشیزم لەوڵاتانی ئەوروپا بۆ قۆناغێکی نوێ.
چەند رۆژێک لەمەوبەر، ئیسلامییەکی تووندڕەو لەپاریسی پایتەختی فەرەنسا هێرشیکردەسەر مامۆستایەک بەناوی "سامۆیڵ باتی" و بەچەقۆ سەربڕی، لەدژی ئەوەی مامۆستاکە کاریکاتێری پێغەمبەری ئیسلامی پێشانی خوێندکارەکانی دابوو.
ئەو رووداوە، لەنێوخۆی فەرەنسادا ناڕەزایی و کاردانەوەی زۆری لێکەوتەوەو سەرۆکی فەرەنساش لەپای ئەو رووداوە رەخنەی توندی لەئیسلام و ئیسلامییەکان گرت.
سەرچاوە: سایتی " روسیا الیوم" 
وەرگێڕان و داڕشتنەوەی: فەریق حەبیب

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو