له‌ هەولێر سێ‌ چەکدار هێرشیان كرده‌سه‌ر سەر کەسێک و برینداریان كرد

  2020-10-29 23:26      196 جار بینراوە        کۆمێنت
لە رێستۆرانتێکی هەولێر هێرشیان كرده‌سه‌ر کەسێک

ئێوارەی دوێنێ‌ چوارشەممە 28ی‌ ته‌شرینی‌ یه‌كه‌م، سێ چەکدار لە رێستۆرانتێکی هەولێر هێرشیان كرده‌سه‌ر کەسێک  و لێیان دا برینداریان كرد.
ئەو کەسەی هێرشی کراوەتەسەر ناوی نەمان ئەحمەد سلێمانە و تەمەنی 35 ساڵانە، ڤیدیۆی ساتی هێرشکردنەسەری کە لە کامێراکانی چاودێرییەوە تۆمارکراوە‌و تێیدا دەردەکەوێت، "لەکاتی نانخواردن لەسەر مێزێک، دوو کەس دەستی دەگرن و رایدەکێشن و لێی دەدەن". 
ناوبراو، له‌باره‌ی‌ رووداوه‌كه‌وه‌ ده‌ڵێت: نازانم لەسەر چی بووە و ئەو کەسانە ناناسم
ئەو شوێنەی رووداوەکە تێیدا روویداوە، رێستۆرانتی قەرەچووخ بووە لەسەر شەقامی کوران. نەمان ده‌ڵێت: "کاتژمێر 07:05 خولەک بووە و بۆ نانخواردن چووەتە ئەو ریستۆرانتە، ئاگایشم لە هیچ شتێک نییە و هیچ کێشەیەکم لەگەڵ کەسدا نییە". 
بە وتەی خۆی، نەمان ئەو چەکدارانە ناناسێت، دەڵێت "من لەگەڵ دایکم دەژیم، ئێوارەی رۆژی سێشەممە چوونەتە سەر ماڵمان و هەڕەشەیان لە دایکم کردووە، لەوکاتەوە دایکم نانی پێناخورێت". 
لەبارەی هۆکاری رووداوەکە، نەمان بە رووداوی گوت، "ئەو کەسانە گوتوویانە پارەیان لای برایەکمە، کە زیاتر لە دوو دەفتەر دۆلارە، براکەیشم زیاتر لە مانگێکە هەڵاتووە و چووە بۆ تورکیا".  
نەمان لە بنکەی پۆلیسی ئازادی سکاڵای لەسەر ئەو کەسانە تۆمارکردووە، بە وتەی خۆی، دادوەر فەرمانی دەستگیرکردنی بۆ ئەو کەسانە دەرکردووە، بەڵام "نووسیویەتی دەبێت لێکۆڵینەوەی زیاتر بکرێت بۆ ناسینەوەیان". 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو