ئەمڕۆ یادی 236 ساڵەی دامەزراندنی سلێمانییە

  2020-11-14 11:43      105 جار بینراوە        کۆمێنت

شاری سلێمانی ئەمڕۆ شەممە 14ی تشرینی دووەمی 2020، 236 ساڵ بەسەر دامەزراندنیدا تێدەپەڕێت و بەبۆنەی دۆخی ئێستای هەرێمی كوردستان هیچ چالاكی و بۆنەیەك بەو هۆیەوە ناكرێت.
  ئەمساڵ بەبۆنەی بارودۆخی كۆرۆنا لەلایەن پارێزگای سلێمانییەوە هیچ ئاهەنگ و چالاكییەك بەو بۆنەیەوە ئەنجامنادرێت.
شاری سلێمانی لە ساڵی 2019دا، لەلایەن رێكخراوی یونسكۆوە یەكێك لە شارە داهێنەرەكان ناساند، لەبواری ئەدەب و كلتوردا.
دامەزراندنی شاری سلێمانی:
شاری سلێمانی لە 14ی تشرینی دووەمی ساڵی 1784 لەلایەن ئیبراهیم پاشای بابان-ەوە ئاوەدانكراوەتەوە، ئیبراهیم پاشای بابان شارەكەی بە ناوی باوكییەوە، سلێمان پاشا ناوناوە.
سلێمانی جگەلەوەی دەبێتە پایتەختی میرنشینی بابان، لەهەمان كاتدا دەبێتە مەڵبەندێكی بازرگانی و رۆشنبیری ناوچەكە، شێوەزاری سۆرانی لە ناوچەكەدا پەرە دەستێنێ و دەبێتە زمانی خوێندن و نووسین.
پاش هەڵوەشاندنەوەی میرنشینی بابان لە ساڵی 1851-وە كەرتبوونی ئیمپراتۆریەتی عوسمانی لە جەنگی جیهانیی یەكەم، شاری سلێمانی دەخرێتە سەر كۆماری عیراقی ئەمڕۆ.
لە ساڵی 1922 تا 1924 شاری سلێمانی پایتەختی دەوڵەتە خۆبەڕێوبەرییەكەی مەلیك مەحموود بووە، شاری سلێمانی جگە لەوەی لانكەی رۆشنبیری و تێكۆشەران بووە، مەڵبەندی هەڵگیرسانی چەندان شۆڕش و راپەڕینیش بووە لە مێژووی كوردستاندا.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو